Erdoǵannyń basty qarsylasy Fethýlla Gúlen AQSh-ta qaıtys boldy

Foto: ashyq derekkóz

Islam ýaǵyzshysy jáne FETO qozǵalysynyń basshysy Fethýllah Gúlen Pensılvanııada qaıtys boldy, dep habarlady Qandastar.kz.

Fethýllah Gúlen 83 jasta. Eskere ketetin jaıt, Túrkııada ýaǵyzshy Fethýllah Gúlenniń FETO dep atalatyn uıymy terrorıstik bolyp sanalady. Uıym 2016 jyly memlekettik tóńkeris uıymdastyrmaq boldy dep aıyptalǵan bolatyn.

Sońǵy jyldary Gúlen búırek jetkiliksizdigi, qant dıabeti jáne demenııamen kúresip keledi.

Fethýllah Gúlen 1970 jyldary Túrkııada paıda bolǵan FETO qozǵalysyn basqardy. Uıym ıslamǵa paıfıstik jáne zamanaýı kózqarasty nasıhattaıtynyn aıtty. Qozǵalys saıası yqpalǵa ıe bolǵysy keldi dep aıyptaldy. FETO qurylymyna BAQ, mektepter jáne qaıyrymdylyq uıymdary kiredi.

Ol teologııa jáne pedagogıka boıynsha ǵylymı eńbekterdiń avtory retinde de belgili. 2013 jyly ol Time jýrnalynyń (Kommersant) nusqasy boıynsha álemdegi eń yqpaldy 100 adamnyń tizimine endi.

Aıta keteıik, 1999 jyldan beri AQSh-ta turyp jatqan Gúlen kezinde Erdoǵannyń odaqtasy bolǵan. Erdoǵan men onyń dinı konservatıvtik Ádilet jáne damý partııasynyń 2002 jyly bılikke kelýine kómektesken.

Alaıda odaqtastar kóp uzamaı bılikti bólisý daýy jáne Erdoǵannyń avtorıtarlyq bıleý tásili kesirinen arazdasyp qaldy. Sol jyly mamyr aıynda Gúlen qozǵalysy Túrkııada terrorıstik uıym bolyp jarııalandy.

2021 jyldyń sáýirinde Túrkııa prokýratýrasy Fethýllah Gúlenniń uıymymen baılanysy bar degen kúdikpen 532 adamdy qamaýǵa alýǵa buıryq bergeni belgili boldy, olardyń 459-y – áskerıler.