«ەركەكتى ەمەس, ماحابباتىن جاقسى كورىڭدەر»: ەركە ەسماحان بار قۇپياسىن جايىپ سالدى

فوتو: الەۋمەتتىك جەلىدەن

تانىمال ءانشى ەركە ەسماحان ءوزىنىڭ ينستاگرام پاراقشاسىندا وقىرماندارىمەن اڭگىمە-دۇكەن قۇرىپ, ولاردىڭ سۇراقتارىنا جاۋاپ بەردى, دەپ حابارلايدى Qandastar.kz. 

وقىرماندارىنىڭ ءبىرى ء«سىزدى پسيحولوگتار كۇيەۋىن الداۋدى بىلەدى دەپ جاتىر عوي» دەپ جازعان. ءانشى بۇل پىكىرگە قاتىستى ەل كۇتپەگەن جاۋابىن ايتتى.

«قاتەلەسەدى ولار. ەشكىمدى الدامايمىن. پسيحولوگتارعا دا ايتارىم. ايەلدەرگە ودان دا مىنانى ۇيرەتىڭىزدەر. ەركەكتىڭ ءوزىن ەمەس, سول ەركەككە دەگەن ماحابباتتى جاقسى كورگەن دۇرىس. ەركەكتى جاقسى كورەم دەپ تاۋسىلاسىز, ال وعان دەگەن ماحابباتتى جاقسى كورسەڭىز, ءوز ءىشىڭىز سەزىمگە تولادى, اينالاڭىز گۇلدەنەدى, ءجۇششىڭىز نۇرلانادى, اراداعى ماحاببات ۇلعايادى. ادامعا ەمەس, سەزىمگە عاشىق بولىڭىز, سول كەزدە ەركەك سىزگە عاشىق بولادى.ليۋبيتە ليۋبوۆ! مەن جاڭالىق, ينستا, تيكتوك, كوۋچ, كۋرس, كوممەنت, رازبور, ريلس, كوسمەتولوگ, گينەكولوگ, نۋمەرولوگ, ءجاي وتىرىپ وسەك ايتۋلوگ بارىڭىزگە جەتەمىن. تالاسپاڭىزدار. ءوزىم-اي ءوزىم. ليۋبيتە ليۋبوۆ, سوستويانيە, ۆولشەبستۆو, اراڭىزداعى حيميانى. ونىڭ قاسىنداعى ءوز كۇيىڭىزدى جاقسى كورىڭىز, ال ول ءسىزدى جاقسى كورسىن. ار جاعىن پسيحولوگتار تۇسىندىرەر», — دەپ جازدى ول.

سونداي ونەر يەسى ازىرگە قىزدارعا ارنالعان كۋرس جاساعىسى كەلمەيتىنىن دە اشىق ايتتى.

«قىزدار, كۋرس اشار ەم نو نە حوچۋ. ەرىنشەكپىن قاتتى», — دەدى ءانشى.