ەرلان قارين ۇلتتىق قۇرىلتايدىڭ بىرقاتار مۇشەسىمەن كەزدەستى

فوتو: اقوردا

مەملەكەتتىك كەڭەسشى ەرلان قارين ىشكى ساياسات ماسەلەلەرىن پىسىقتاۋ ءۇشىن ,  دەپ حابارلايدى qandastar.kz اقوردانىڭ ءباسپاسوز قىزمەتىنە سىلتەمە جاساپ.

باسقوسۋعا  ايدوس سارىم, مۇرات ابەنوۆ, ءاليا مۇستافينا, ديقان قامزابەك ۇلى, ەرمۇرات باپي, ءبورىحان نۇرمۇحامەدوۆ, ەرلان سايروۆ, جۇلدىز سۇلەيمەنوۆا, قازىبەك داۋىتاليەۆ, ۋايس ەرسايىن ۇلى, لاۋرا قاراباسوۆا, قايسار تۇرسىنعوجاەۆ قاتىستى.

جيىندا مەملەكەت باسشىسى قاسىم-جومارت توقاەۆتىڭ بيىل ناۋرىز ايىندا بۋرابايدا وتكەن ۇلتتىق قۇرىلتايدىڭ IV وتىرىسىندا كوتەرگەن باستامالارى تالقىلاندى.

مەملەكەت باسشىسى 1 ءساۋىر كۇنى ۇلتتىق قۇرىلتايدىڭ IV وتىرىسىندا كوتەرىلگەن باستامالاردى جۇزەگە اسىرۋ تۋرالى جوسپارعا قول قويعان بولاتىن. 53 تارماقتان تۇراتىن قۇجاتتى پرەزيدەنت اكىمشىلىگى ۇكىمەتپەن بىرلەسە وتىرىپ ازىرلەدى.

بۇعان قوسا  تاياۋدا 100-دەن استام باستامادان تۇراتىن ۇلتتىق قۇرىلتاي مۇشەلەرىنىڭ ۇسىنىستارىن قاراۋدىڭ جوسپارى بەكىتىلدى.

ۇسىنىستاردى تالقىلاۋ بارىسىندا ىشكى ساياسات سالاسىنا قاتىستى ءبىرتۇتاس كەشەندى قۇجات دايارلاۋ قاجەتتىگىنە باسا ءمان بەرىلدى.

مەملەكەتتىك كەڭەسشى بۇل قۇجاتتىڭ ساراپشىلاردىڭ, ۇلتتىق قۇرىلتاي مۇشەلەرىنىڭ, قوعام بەلسەندىلەرى مەن مەملەكەتتىك ورگانداردىڭ قاتىسۋىمەن بىرنەشە ايدان بەرى ازىرلەنىپ جاتقانىن اتاپ ءوتتى.

ەرلان قارين جاڭا قۇجاتتىڭ نەگىزگى ماقساتى – مەملەكەت پەن قوعام اراسىنداعى بايلانىسقا ارقاۋ بولاتىن قاعيداتتاردى, يدەولوگەمالاردى جانە قۇندىلىقتاردى ايقىنداۋ جانە جيناقتاۋ ەكەنىنە نازار اۋداردى.

قۇرىلتاي مۇشەلەرى ءوز كەزەگىندە بۇل قۇجاتتىڭ قابىلدانۋى ىشكى ساياسات سالاسىنداعى نەگىزگى فاكتورلار ءۇشىن باسىمدىقتاردى ايقىنداۋعا مۇمكىندىك بەرەتىنىن, مەملەكەتتىك ورگانداردىڭ وسى باعىتتاعى جۇمىسىن ءبىر جۇيەگە كەلتىرۋگە ىقپال ەتەتىنىن اتاپ ءوتتى.

قۇجات جوباسى الداعى ۋاقىتتا ساراپشىلار جانە ازاماتتىق قوعام وكىلدەرىمەن بىرگە تاعى دا تالقىلانادى.