«ەسەپتى فوتوشوپپەن جابۋعا بولا ما»: جەلىدە تۇركىستان وبلىسىنا قاراستى اۋدان اكىمىنىڭ فوتوسى قىزۋ تالقىعا ءتۇستى

فوتو: تۇركىستان وبلىسىنىڭ اكىمدىگى

جەلىدە تۇركىستان وبلىسى, سايرام اۋدانىنىڭ اكىمى ارمان ءسابيتوۆتىڭ جاسى 100-دەن اسقان اجەنى قۇتتىقتاعانى تۇسىرىلگەن فوتو تارادى. دەگەنمەن بۇل سۋرەت كوپشىلىكتىڭ كۇدىگىن وياتتى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

اكىم ارمان ءسابيتوۆ اق جاۋلىقتى اجە قىزىلكۇل قۋاندىقوۆانى 1 قازان – حالىقارالىق قارتتار كۇنى مەرەكەسىمەن ارنايى قۇتتىقتاپ بارعان ەكەن.

ء“سىزدىڭ ءاربىر ءجۇرىپ وتكەن ءومىر جولىڭىز وسكەلەڭ ۇرپاق ءۇشىن وشپەس ونەگە. مىنە, بۇگىندە ەڭبەگىڭىزدىڭ زەينەتىن كورىپ وتىرعان شاقتا دا ۇرپاقتارىڭىزعا ىزگى ىستەردىڭ جارقىن ۇلگىسىن كورسەتىپ كەلەسىز. قاشاندا شاڭىراعىڭىزدىڭ ۇيىتقىسى بولىپ, شاتتىقتىڭ ساۋلەسىن سەبە بەرىڭىز. وتباسىڭىزعا بەرەكە, بىرلىك تىلەيمىن”, – دەلىنگەن اكىمنىڭ جازباسىندا.

دەگەنمەن الەۋمەتتىك جەلىدە تاراعان جازباداعى فوتو جەلى قولدانۋشىلارىنىڭ قىزۋ تالقىسىنا ءتۇستى.

«دۇرىس فوتوشوپ قولدانا الاتىن ادامدى جۇمىسقا الاسىزدار ما», «فوتوشوپ امان بولسىن دەپ تىلەك ايتىپ وتىر», «مەندە جاقسى ديزاينەردىڭ ءنومىرى بار, قالاساڭىزدار بەرەيىن», “ولار جاي عانا ەسەپ ءۇشىن جۇمىس ىستەيدى. ەسەپتى فوتوشوپپەن جابۋعا بولا ما ەكەن”, – دەپ جازدى ولار.

Stan.kz تىلشىسى تۇركىستان وبلىسىنىڭ اكىمدىگىنەن اتالعان جاعدايدىڭ مان-جايىن سۇراپ ءبىلدى. اكىمدىك, مۇنىڭ فوتوشوپ ەمەس ەكەنىن ايتتى. سونداي-اق رەداكتسيامىزعا فوتوشوپ ەمەس ەكەنىن دالەلدەۋ ءۇشىن ۆيدەوسىن دا جولدادى. 

ايتا كەتەيىك, بۇعان دەيىن 3 قازاندا پرەزيدەنت قاسىم-جومارت توقاەۆ بارلىق ءماسليحات دەپۋتاتتارىنىڭ فورۋمىندا ءسوز سويلەدى. پرەزيدەنت فورۋمدا ءوزىن بلوگەر سانايتىن كەي ادامداردىڭ اكىمنىڭ ءار قادامىن اڭدۋدى ادەتكە اينالدىرعانىن ايتتى.