Esersoq: Fly Arystan shuǵyl túrde barlyq jolaýshyny ushaqtan túsirip, reısti keıinge shegerdi

Foto:Azamat Erǵalıdiń paraqshasynan

FlyArystan áýe kompanııasynyń Astana – О́skemen baǵytyndaǵy reısine otyrǵyzý kezinde jolaýshylardyń biri bortserikke shabýyl jasady. Bul týraly jýrnalıst Azamat Erǵalı áleýmettik jelidegi paraqshasynda jazdy, dep habarlaıdy qandastar.kz Dalanews.kz.  saıtyna silteme jasap.

Onyń aıtýynsha, shamamen 50 jastaǵy er adam ushaqqa otyrǵyzý kezinde agressıvti áreket tanytqan.

“13 qańtar kúni Fly Arystan-nyń 7371 reısinde esersoq jolaýshy bortserikke shabýyl jasap, oǵan qol kóterdi. Buzaqy meniń oryndyǵymnyń artynda otyrdy. Bir kezde oryndyqqa qatty soqqy tıgenin sezdim. Sodan keıin bortserik qyz ben er adamnyń aıǵaıyn estidim. Qoryqqanymnan ornymnan atyp turdym. Men ony toqtatpaq bolyp, “Ne istep jatyrsyń?!” dep aıqaı salǵanda ol maǵan da birneshe ret qolymen soqqy jasady”, — deıdi ol.

Sózinshe, er adam keıin de tártipsizdigin jalǵastyryp, basqa jolaýshylarǵa, onyń ishinde oqıǵa kýágerine de tıise bastaǵan.

Atalǵan oqıǵadan soń polıııa barlyq jolaýshyny borttan túsirip, reısti keıinge qaldyrýǵa májbúr bolǵan. Ázirge áýe kompanııasy bul jaǵdaıǵa qatysty resmı túsinikteme bergen joq.

Polıııanyń málimetinshe, 47 jastaǵy er adam ustalǵan. Kólik departamenti onyń áreketi qoǵamdyq qaýipsizdikke qaýip tóndirgenin atap ótti.

“Kúdikti mas kúıinde bortseriktiń ishinen uryp, ushaqtan shyǵyp bara jatyp “bomba” dep aıqaılaǵan. Bul jolaýshylar men ekıpaj arasynda dúrbeleń týdyrdy”, – delingen kólik basqarmasynyń habarlamasynda.

Osy oqıǵaǵa baılanysty buzaqylyq jáne terrorızm aktisi týraly jalǵan aqparat berý baptary boıynsha qylmystyq is qozǵaldy. Ushaq muqııat tekserilip, jarylǵysh qurylǵylar nemese basqa da tyıym salynǵan zattar tabylmady.

Eske salaıyq, bir jyl buryn FlyArystan ushaǵynda osyǵan uqsas oqıǵa tirkelgen bolatyn. Tanymal ártis Baýyrjan Nurymbetov mas kúıinde qoǵamdyq tártipti buzyp, stıýardessaǵa qol jumsaǵan. Saldarynan ártiske 15 AEK mólsherinde aıyppul salynǵan edi.