جاڭالىقتار
ەت ساتاتىن ورىنداردا QR-كود ورنالاستىرىلدى
اۋىل شارۋاشىلىعى مينيسترلىگى ەت ساتاتىن ورىنداردا QR-كود ەنگىزدى. ول ارقىلى ساتىلاتىن ەت تۋرالى بارلىق اقپاراتتى بىلۋگە بولادى, دەپ حابارلايدى qandastar.kz.
«جۇيە سويۋ جانە ىشكى ساۋدا وبەكتىلەرىندە ۆەتەريناريالىق-سانيتاريالىق ساراپتامادان وتكەننەن كەيىن ساراپتاما اكتىسىن بەرۋدىڭ بيزنەس-پروتسەستەرىن اۆتوماتتاندىرادى, سونداي-اق جانۋاردىڭ تولىق ومىرلىك تسيكلى تۋرالى اقپاراتى بار QR-كودتى قالىپتاستىرادى»,- دەلىنگەن ۆەدومستۆونىڭ ءباسپاسوز قىزمەتىنىڭ حابارلاماسىندا.
بۇل QR ەت ساتۋ ورىندارىندا ورنالاستىرىلادى, مالداردى ۆەتەرينارلىق تەكسەرۋسىز جانە ۇشالار مەن اعزالاردى ساراپتاماسىز سويۋدىڭ الدىن الۋعا مۇمكىندىك بەرەدى.
مينيسترلىكتىڭ مالىمەتىنشە, قازىرگى تاڭدا جوبا ىسكە قوسىلىپ, بارلىق وبلىستار مەن رەسپۋبليكالىق ماڭىزى بار قالالاردا جۇمىس ىستەۋدە.
«وعان 1664 مال سويۋ ورنى, ۆەتەرينارلىق-سانيتارلىق ساراپتاما زەرتحانالارى, ساۋدا ورىندارى قوسىلعان. جۇيەدە 1470-تەن استام ۆەتەرينار, ۆەتەريناريالىق-سانيتاريالىق ساراپتاما زەرتحاناسىنىڭ قىزمەتكەرى جانە مەملەكەتتىك ۆەتەريناريالىق-سانيتاريالىق ينسپەكتورلار تىركەلگەن», — دەپ اتاپ ءوتتى ۆەدومستۆو.
QR-كود ارقىلى 117 مىڭنان استام ۆەتەريناريالىق انىقتاما بلانكىلەرى جانە 438 مىڭ ساراپتاما قورىتىندىسى شىعارىلدى.
جۇيە رەسەيمەن شەكارالاس شارباقتى ۆەتەرينارلىق باقىلاۋ پۋنكتىندە سىناقتان ءساتتى وتكەن.
