ەۋروپادا 10 ميلليونداعان ادام جاساندى ينتەللەكتتىڭ كەسىرىنەن جۇمىسىنان ايىرىلۋ قاۋپىندە تۇر

فوتو: Pixabay.com

دۇنيەجۇزىلىك ەكونوميكالىق فورۋم ەۋروپادا 2027 جىلعا قاراي 83 ميلليون جۇمىس ورنى جويىلادى دەپ بولجادى. مۇنداي وزگەرىستەردىڭ نەگىزگى سەبەبى قارقىندى دامىپ كەلە جاتقان جاساندى ينتەللەكت بولماق. بۇل تۋرالى  qandastar.kz  اقپارات اگەنتتىگى Stan.kz سايتىنا سىلتەمە جاساپ حابارلايدى.

زەرتتەۋدە 2027 جىلعا قاراي 69 ميلليونعا دەيىن جاڭا جۇمىس ورنى اشىلۋى مۇمكىن ەكەنى ايتىلعان.

McKinsey كومپانياسىنىڭ ەۋروپاداعى جۇمىسپەن قامتۋدىڭ بولاشاعى زەرتتەۋى 2030 جىلعا قاراي 94 ميلليون ەۋروپالىق جۇمىسشى قايتا دايارلاۋدان ءوتۋى قاجەت دەپ بولجايدى. سەبەبى روبوتتارمەن باسەكەلەستىككە توتەپ بەرە المايدى.

McKinsey مەيرامحانا بيزنەسى جانە تاماق قىزمەتى (94%), ونەر (80%), كوتەرمە جانە بولشەك ساۋدا (68%), قۇرىلىس (58%) پەن كولىك جانە لوگيستيكا (50%) سالالارىنداعىلاردىڭ جۇمىسسىز قالۋ قاۋپى جوعارى ەكەنىن ايتادى.

زەرتتەۋشىلەر 2030 جىلعا قاراي 21 ميلليون ادامعا ماماندىعىن وزگەرتۋى قاجەت بولۋى مۇمكىن.

ەۋروپاداعى ەڭبەك ونىمدىلىگى قازىر امستەردام, كوپەنگاگەن, لوندون, مادريد, ميۋنحەن جانە پاريج سياقتى بىرنەشە ەڭبەك نارىعىندا شوعىرلانعان. بۇل قالالاردا ەۋروپا حالقىنىڭ 20%-ى عانا تۇرادى.