«ەۋروپادان اسا ايىرماشىلىق جوق»: كولىك ءمينيسترى ىشكى رەيستەر ءۇشىن اۋەبيلەتتەر قىمبات ەمەس دەپ مالىمدەدى

جۋرناليست فرانتسياداعى ىشكى رەيس بيلەتىنىڭ قۇنى استانا-قوستاناي باعىتىنداعى بيلەتتەن تومەن ەكەنىن ايتىپ, نە سەبەپتى ەلدە اۋە بيلەتتەرى قىمبات ەكەنىن سۇرادى.

قاراباەۆ بيلەت قىمبات دەگەن پىكىردى جوققا شىعارۋعا تىرىستى. ءمينيستردىڭ سوزىنشە, بيلەت اقشاسىنىڭ 60%-ى ۇشاق شىعىنىنا كەتەدى.

“70% جاعدايدا بيلەت بارلىق الەم ءۇشىن بىردەي. سەبەبى اۋە كەمەسى, قىزمەت كورسەتۋ بار, بارلىق جەردە اۆياوتىن باعاسى بىردەي. بىردەي قاشىقتاعى قالالار اراسىنداعى بيلەتتەردى قاراڭىزدار. ونىڭ ۇستىنە بىزدە جولاۋشىلار انى از بولعاسىن باعا جوعارىراق بولۋى زاڭدى. ەلىمىزدە اۋەكومپانيالار اراسىندا باسەكەلەستىك جوق. سوعان قاراماستان باعا ايىرماشىلىعى قاتتى بىلىنبەيدى”, – دەدى قاراباەۆ.

جۋرناليست 1 جەلتوقسان ءۇشىن فرانتسياداعى پاريج-نيتستسا باعىتىنا بيلەت قارادى. ەكى ەل اراسى – 900 كم. سوندا ەكى باعىتقا بيلەت 100 دوللار, ياعني 50 مىڭ تەڭگەگە شىقتى. ال ءدال سول كۇنى سونداي قاشىقتاعى استانا-قوستاناي ءۇشىن 71 مىڭ تەڭگە بولدى.

“ەكى ەلدەگى حالىقتىڭ تابىسىن سالىستىرۋعا كەلمەيدى. ولار بىزدەن قانشاعا كوپ تاباتىنىن بىلەسىز. بىراق سوندا دا ولاردىڭ بيلەت بىزدىكىنەن ارزانعا شىعىپ تۇر. بۇل ادىلەتسىز ەكەنىن مويىندايسىز با?”, – دەدى جۋرناليست.

مينيستر بۇعان باسەكەلەستىكتىڭ جوقتىعى سەبەپكەر ەكەنىن تاعى ايتتى. سوزىنشە, ەلدە تەك AirAstana جانە Skat اۋەكومپنيالارى جۇمىس ىستەيدى. سونداي-اق ارزانعا ۇشقىسى كەلەتىندەر ءۇشىن لوۋكوستەر FlyArystan بار ەكەنىن ءتۇسىندىردى.

“FlyArystan-دا استانا-الماتى باعىتىنداعى بيلەتتەر – 15 مىڭ تەڭگە. ال باسقا ەلدە ونداي جوق. 30 دوللارعا سول قاشىقتىقتا بيلەت بار ما, قاراپ كورەيىك”, – دەدى ول.

ول سونىمەن قاتار اپتا كۇندەرىنە قاراۋ كەرەگىن, جۇمىس كۇندەرى ارزان بولاتىنىن اتاپ ءوتتى.

بۇعان دەيىن دەپۋتات ەنەرگەتيكا مينيسترلىگىن قازاقستانداعى اۆياوتىنعا تاپشىلىقتى قولدان جاسادى دەپ ايىپتادى.