Jańalyqtar
«Eýropadan asa aıyrmashylyq joq»: Kólik mınıstri ishki reıster úshin áýebıletter qymbat emes dep málimdedi
Foto: skrın
Kólik mınıstri Marat Qarabaev elder ishki reıs úshin bılet baǵasy tym joǵary degen jýrnalıstke “Obojaıý” Youtube-arnasynda jaýap berdi. Sózinshe, bılet quny Eýropadaǵydan asa aıyrmashylyq joq. Bul týraly qandastar.kz Stan.kz aqparat agenttigine silteme jasap habarlaıdy.
Jýrnalıst Franııadaǵy ishki reıs bıletiniń quny Astana-Qostanaı baǵytyndaǵy bıletten tómen ekenin aıtyp, ne sebepti elde áýe bıletteri qymbat ekenin surady.
Qarabaev bılet qymbat degen pikirdi joqqa shyǵarýǵa tyrysty. Mınıstrdiń sózinshe, bılet aqshasynyń 60%-y ushaq shyǵynyna ketedi.
“70% jaǵdaıda bılet barlyq álem úshin birdeı. Sebebi áýe kemesi, qyzmet kórsetý bar, barlyq jerde avıaotyn baǵasy birdeı. Birdeı qashyqtaǵy qalalar arasyndaǵy bıletterdi qarańyzdar. Onyń ústine bizde jolaýshylar any az bolǵasyn baǵa joǵaryraq bolýy zańdy. Elimizde áýekompanııalar arasynda básekelestik joq. Soǵan qaramastan baǵa aıyrmashylyǵy qatty bilinbeıdi”, – dedi Qarabaev.
Jýrnalıst 1 jeltoqsan úshin Franııadaǵy Parıj-Nıa baǵytyna bılet qarady. Eki el arasy – 900 km. Sonda eki baǵytqa bılet 100 dollar, ıaǵnı 50 myń teńgege shyqty. Al dál sol kúni sondaı qashyqtaǵy Astana-Qostanaı úshin 71 myń teńge boldy.
“Eki eldegi halyqtyń tabysyn salystyrýǵa kelmeıdi. Olar bizden qanshaǵa kóp tabatynyn bilesiz. Biraq sonda da olardyń bılet bizdikinen arzanǵa shyǵyp tur. Bul ádiletsiz ekenin moıyndaısyz ba?”, – dedi jýrnalıst.
Mınıstr buǵan básekelestiktiń joqtyǵy sebepker ekenin taǵy aıtty. Sózinshe, elde tek AirAstana jáne Skat áýekompnııalary jumys isteıdi. Sondaı-aq arzanǵa ushqysy keletinder úshin loýkoster FlyArystan bar ekenin túsindirdi.
“FlyArystan-da Astana-Almaty baǵytyndaǵy bıletter – 15 myń teńge. Al basqa elde ondaı joq. 30 dollarǵa sol qashyqtyqta bılet bar ma, qarap kóreıik”, – dedi ol.
Ol sonymen qatar apta kúnderine qaraý keregin, jumys kúnderi arzan bolatynyn atap ótti.
Buǵan deıin depýtat energetıka mınıstrligin Qazaqstandaǵy avıaotynǵa tapshylyqty qoldan jasady dep aıyptady.
