فەدەراتسيادا دانيال احمەتوۆتىڭ ورنىنا ولگا رىپاكوۆا كەلدى

فوتو: stan.kz

ولگا رىپاكوۆا دانيال احمەتوۆتىڭ ورنىنا جەڭىل اتلەتيكا فەدەراتسياسىنىڭ پرەزيدەنتى قىزمەتىنە كەلدى, دەپ حابارلايدى qandastar.kz.

دانيال احمەتوۆ وز وكىلەتتىگىن مەرزىمىنەن بۇرىن توقتاتاتىنىن مالىمدەپ, بۇل قىزمەتكە ريو-دە-جانەيرو وليمپياداسىنىڭ چەمپيونى ولگا رىپاكوۆانى ۇسىندى.

 Skifnews.kz جازعانداي, سپورت ءمينيسترى ەربول مىرزابوسىنوۆ جەڭىل اتلەتيكاداعى حالىقارالىق ىنتىماقتاستىقتى دامىتۋعا, سپورتشىلار مەن رەزەرۆتەردى دايىنداۋعا باسا نازار اۋدارۋدى تاپسىردى.

مينيستر ەربول مىرزابوسىنوۆ جەڭىل اتلەتيكا فەدەراتسياسىن بىرنەشە جىل باسقارعان دانيال احمەتوۆكە جەمىستى قىزمەتى ءۇشىن العىس ءبىلدىرىپ, پرەزيدەنتتىككە تاعايىندالعان ولگا رىپاكوۆانىڭ قىزمەتىنە ساتتىلىك تىلەدى.

– جەڭىل اتلەتيكا – ەلدەگى ەڭ تانىمال سپورت تۇرلەرىنىڭ ءبىرى. قازىرگى تاڭدا 360 مىڭنان استام وتانداسىمىز ءدال وسى سپورت تۇرىمەن كاسىبي تۇردە اينالىسادى. سوندىقتان ءبىز بۇل سپورتتى جاڭا دەڭگەيگە كوتەرىپ, ونىڭ حالىقارالىق ارەنادا تانىمالدىلىعىن ارتتىرۋىمىز قاجەت. بۇگىنگى جيىندا فەدەراتسيانىڭ جۇمىسىنا قاتىستى ماڭىزدى وزگەرىستەر بولىپ جاتىر. فەدەراتسيانى بىرنەشە جىل باسقارعان دانيال احمەتوۆ قىزمەتىنەن كەتىپ جاتىر. وعان اتقارعان جۇمىسى ءۇشىن العىس بىلدىرەمىن. دانيال كەنجەتاي ۇلىنىڭ باسشىلىعىمەن ءبىزدىڭ اتلەتتەر حالىقارالىق جارىستاردا ۇلكەن جەتىستىكتەرگە جەتتى. ەندى فەدەراتسيا پرەزيدەنتتىگىنە وليمپيادا چەمپيونى ولگا رىپاكوۆا كەلىپ وتىر. ولگا سەرگەەۆنانىڭ وتاندىق جەڭىل اتلەتيكانىڭ دامۋىنا قوسقان ۇلەسى مول. الداعى ۋاقىتتا دا ەلىمىزدىڭ جەڭىل اتلەتيكا سپورتىن بيىكتەرگە كوتەرەدى دەپ سەنەمىز, – دەپ اتاپ ءوتتى ەربول مىرزابوسىنوۆ.