Federaııada Danıal Ahmetovtiń ornyna Olga Rypakova keldi

Foto: stan.kz

Olga Rypakova Danıal Ahmetovtiń ornyna jeńil atletıka federaııasynyń prezıdenti qyzmetine keldi, dep habarlaıdy qandastar.kz.

Danıal Ahmetov óz ókilettigin merziminen buryn toqtatatynyn málimdep, bul qyzmetke Rıo-de-Janeıro Olımpıadasynyń chempıony Olga Rypakovany usyndy.

 Skifnews.kz jazǵandaı, Sport mınıstri Erbol Myrzabosynov jeńil atletıkadaǵy halyqaralyq yntymaqtastyqty damytýǵa, sportshylar men rezervterdi daıyndaýǵa basa nazar aýdarýdy tapsyrdy.

Mınıstr Erbol Myrzabosynov jeńil atletıka federaııasyn birneshe jyl basqarǵan Danıal Ahmetovke jemisti qyzmeti úshin alǵys bildirip, prezıdenttikke taǵaıyndalǵan Olga Rypakovanyń qyzmetine sáttilik tiledi.

– Jeńil atletıka – eldegi eń tanymal sport túrleriniń biri. Qazirgi tańda 360 myńnan astam otandasymyz dál osy sport túrimen kásibı túrde aınalysady. Sondyqtan biz bul sportty jańa deńgeıge kóterip, onyń halyqaralyq arenada tanymaldylyǵyn arttyrýymyz qajet. Búgingi jıynda federaııanyń jumysyna qatysty mańyzdy ózgerister bolyp jatyr. Federaııany birneshe jyl basqarǵan Danıal Ahmetov qyzmetinen ketip jatyr. Oǵan atqarǵan jumysy úshin alǵys bildiremin. Danıal Kenjetaıulynyń basshylyǵymen bizdiń atletter halyqaralyq jarystarda úlken jetistikterge jetti. Endi federaııa prezıdenttigine Olımpıada chempıony Olga Rypakova kelip otyr. Olga Sergeevnanyń otandyq jeńil atletıkanyń damýyna qosqan úlesi mol. Aldaǵy ýaqytta da elimizdiń jeńil atletıka sportyn bıikterge kóteredi dep senemiz, – dep atap ótti Erbol Myrzabosynov.