فەرمەرلەر تىكەلەي ساتىپ الۋ باعدارلاماسى بويىنشا 3,8 ملرد تەڭگەگە ءوتىنىم بەردى

فوتو: اشىق دەرەككوز

«ازىق-ت ۇلىك كەلىسىمشارت كورپوراتسياسى «ۇك» اق-نا تىكەلەي ساتىپ الۋ باعدارلاماسى بويىنشا استىق جەتكىزۋگە اۋىل شارۋاشىلىعى وندىرۋشىلەرىنەن 287 ءوتىنىم كەلىپ ءتۇستى. وتىنىمدەردىڭ جالپى كولەمى 3,8 ملرد تەڭگەگە 57,3 مىڭ توننانى قۇرادى, دەپ جازادى qandastar.kz

ەڭ ۇلكەن بەلسەندىلىك استىق ەگەتىن وڭىرلەردىڭ فەرمەرلەرى اراسىندا بايقالادى:

سولتۇستىك قازاقستان وبلىسى-121 ءوتىنىم;

قوستاناي وبلىسى – 99 ءوتىنىم;

اقمولا وبلىسى – 60 ءوتىنىم;

پاۆلودار وبلىسى-7 ءوتىنىم.

استىقتى ساتۋعا 226 اۋىل شارۋاشىلىعى كاسىپورنى ءوتىنىم بەرىپ ۇلگەردى. نەگىزىنەن فەرمەرلەر استىق وپەراتورىنا 3-سىنىپتى بيداي جەتكىزۋگە دايىن. 4-ءشى, 5-ءشى دارەجەلى بيداي مەن ارپانىڭ كولەمى ەداۋىر از.

ەستەرىڭىزگە سالا كەتەيىك, 2024 جىلعى 18 قاراشادا ازىق-ت ۇلىك كەلىسىمشارت كورپوراتسياسى شاعىن اۋىل شارۋاشىلىعى كاسىپورىندارىنان استىقتى تىكەلەي ساتىپ الۋ جونىندەگى باعدارلامانىڭ باستالعانىن حابارلادى. قولداۋدىڭ باسىم شارالارى شاعىن جانە ورتا فەرمەرلەرگە ءونىمنىڭ كەپىلدەندىرىلگەن ساتىلىمىن قامتاماسىز ەتۋگە ارنالعان.

ازىق-ت ۇلىك كەلىسىمشارت كورپوراتسياسىنىڭ باعدارلاماسى شەڭبەرىندە گليۋتەننىڭ قۇرامىنا بايلانىستى 3-سىنىپتى بيدايدىڭ ساتىپ الۋ قۇنى 75 مىڭنان 90 مىڭ تەڭگەگە دەيىن قۇرايدى. استىق وپەراتورى 4 – سىنىپتى بيدايدى فەرمەرلەردەن 55-تەن 65 مىڭ تەڭگەگە دەيىنگى باعامەن, ارپانى تونناسىنا 50 مىڭ تەڭگەدەن ساتىپ الادى.

تىكەلەي ساتىپ الۋ كەزەڭ-كەزەڭىمەن جۇرگىزىلەدى. ءبىرىنشى كەزەڭدە ارپاسى 500 گەكتاردان اسپايتىن بيداي ەگۋ الاڭى بار فەرمەرلىك شارۋاشىلىقتاردان وتىنىمدەر قابىلدانادى. ەكىنشى كەزەڭدە ولارعا بيداي, ارپا ەگۋ الاڭى 1000 گا نەمەسە ودان دا كوپ اگروونەركاسىپ قوسىلادى.

بۇل رەتتە ءبىر اۋىل شارۋاشىلىعى كاسىپورنىنان ساتىپ الىناتىن استىقتىڭ جيىنتىق كولەمى 300-دەن 700 تونناعا دەيىن قۇرايدى. مۇنداي شەكتەۋ مۇمكىندىگىنشە كوپ فەرمەرلىك شارۋاشىلىقتاردىڭ مەملەكەتتىك قولداۋ قاجەتتىلىكتەرىن قاناعاتتاندىرۋ ءۇشىن ەنگىزىلەدى.

استىقتى تىكەلەي ساتىپ الۋعا باستاپقىدا 10 ملرد تەڭگە باعىتتاۋ جوسپارلانعان بولاتىن. ازىق-ت ۇلىك كەلىسىمشارت  كورپوراتسياسى باعدارلامانى قارجىلاندىرۋدى ءوز رەزەرۆىنەن 3 ملرد تەڭگەگە ۇلعايتتى. ناتيجەسىندە باعدارلامانىڭ جالپى بيۋدجەتى 13 ملرد تەڭگەنى قۇرايدى, بۇل اۋىل شارۋاشىلىعى وندىرۋشىلەرىنەن 200 مىڭ توننادان استام استىق ساتىپ الۋعا مۇمكىندىك بەرەدى.

انىقتاما ءۇشىن بايلانىس تەلەفوندارى:

استانا ق., موسكوۆسكايا ك-ءسى, 29/3, تەل. (8-717-2) 59-12-32 (ىشكى. 2484; 2025;), 59-12-39 (ىشكى. 2375), 59-12-61 (ىشكى. 2261), 55-11-60 (ىشكى. 2476);

اقمولا وبلىسى: كوكشەتاۋ قالاسى, نۇرسۇلتان نازارباەۆ داڭعىلى, 19, تەل. (8-716-2) 55-11-51, 55-11-54, 42-25-22;

شىعىس قازاقستان وبلىسى: وسكەمەن قالاسى, بەيبىتشىلىك كوشەسى, 30, 206 كەڭسە, تەل. (8-723-2) 25-95-67, 56-06-57;

قوستاناي وبلىسى: قوستاناي قالاسى, تاۋەلسىزدىك كوشەسى, 147, تەل. (8-714-2) 53-11-44, 53-12-44, 54-28-20;

سولتۇستىك قازاقستان وبلىسى: پەتروپاۆل ق., پارتيزان كوشەسى, 160, تەل. (8-715-2) 55-11-60, 42-22-66.