Fermerler tikeleı satyp alý baǵdarlamasy boıynsha 3,8 mlrd teńgege ótinim berdi

Foto: ashyq derekkóz

«Azyq-túlik kelisimshart korporaııasy «UK» AQ-na tikeleı satyp alý baǵdarlamasy boıynsha astyq jetkizýge aýyl sharýashylyǵy óndirýshilerinen 287 ótinim kelip tústi. О́tinimderdiń jalpy kólemi 3,8 mlrd teńgege 57,3 myń tonnany qurady, dep jazady qandastar.kz

Eń úlken belsendilik astyq egetin óńirlerdiń fermerleri arasynda baıqalady:

Soltústik Qazaqstan oblysy-121 ótinim;

Qostanaı oblysy — 99 ótinim;

Aqmola oblysy — 60 ótinim;

Pavlodar oblysy-7 ótinim.

Astyqty satýǵa 226 aýyl sharýashylyǵy kásiporny ótinim berip úlgerdi. Negizinen fermerler astyq operatoryna 3-synypty bıdaı jetkizýge daıyn. 4-shi, 5-shi dárejeli bıdaı men arpanyń kólemi edáýir az.

Esterińizge sala keteıik, 2024 jylǵy 18 qarashada Azyq-túlik kelisimshart korporaııasy shaǵyn aýyl sharýashylyǵy kásiporyndarynan astyqty tikeleı satyp alý jónindegi baǵdarlamanyń bastalǵanyn habarlady. Qoldaýdyń basym sharalary shaǵyn jáne orta fermerlerge ónimniń kepildendirilgen satylymyn qamtamasyz etýge arnalǵan.

Azyq-túlik kelisimshart korporaııasynyń baǵdarlamasy sheńberinde glıýtenniń quramyna baılanysty 3-synypty bıdaıdyń satyp alý quny 75 myńnan 90 myń teńgege deıin quraıdy. Astyq operatory 4 – synypty bıdaıdy fermerlerden 55-ten 65 myń teńgege deıingi baǵamen, arpany tonnasyna 50 myń teńgeden satyp alady.

Tikeleı satyp alý kezeń-kezeńimen júrgiziledi. Birinshi kezeńde arpasy 500 gektardan aspaıtyn bıdaı egý alańy bar fermerlik sharýashylyqtardan ótinimder qabyldanady. Ekinshi kezeńde olarǵa bıdaı, arpa egý alańy 1000 ga nemese odan da kóp agroónerkásip qosylady.

Bul rette bir aýyl sharýashylyǵy kásipornynan satyp alynatyn astyqtyń jıyntyq kólemi 300-den 700 tonnaǵa deıin quraıdy. Mundaı shekteý múmkindiginshe kóp fermerlik sharýashylyqtardyń memlekettik qoldaý qajettilikterin qanaǵattandyrý úshin engiziledi.

Astyqty tikeleı satyp alýǵa bastapqyda 10 mlrd teńge baǵyttaý josparlanǵan bolatyn. Azyq-túlik kelisimshart  korporaııasy baǵdarlamany qarjylandyrýdy óz rezervinen 3 mlrd teńgege ulǵaıtty. Nátıjesinde baǵdarlamanyń jalpy bıýdjeti 13 mlrd teńgeni quraıdy, bul aýyl sharýashylyǵy óndirýshilerinen 200 myń tonnadan astam astyq satyp alýǵa múmkindik beredi.

Anyqtama úshin baılanys telefondary:

Astana q., Moskovskaıa k-si, 29/3, tel. (8-717-2) 59-12-32 (ishki. 2484; 2025;), 59-12-39 (ishki. 2375), 59-12-61 (ishki. 2261), 55-11-60 (ishki. 2476);

Aqmola oblysy: Kókshetaý qalasy, Nursultan Nazarbaev dańǵyly, 19, tel. (8-716-2) 55-11-51, 55-11-54, 42-25-22;

Shyǵys Qazaqstan oblysy: О́skemen qalasy, Beıbitshilik kóshesi, 30, 206 keńse, tel. (8-723-2) 25-95-67, 56-06-57;

Qostanaı oblysy: Qostanaı qalasy, Táýelsizdik kóshesi, 147, tel. (8-714-2) 53-11-44, 53-12-44, 54-28-20;

Soltústik Qazaqstan oblysy: Petropavl q., Partızan kóshesi, 160, tel. (8-715-2) 55-11-60, 42-22-66.