جاڭالىقتار
Fly Arystan قىزمەتكەرلەرى مەن جولاۋشىلار اراسىندا جانجال شىقتى
فوتو: dknews.kz
جەلىدە تاراعان اقپاراتقا سايكەس, Fly Arystan شىمكەنتكە ۇشاتىن رەيستى كەيىنگە قالدىرىپ, جولاۋشىلاردى 20 مينۋتتاي جەلدەتكىشى جوق اۆتوبۋستىڭ ىشىندە ۇستاعان, – دەپ جازادى qandastar.kz
سالدارىنان بىرنەشە جولاۋشى شىداي الماي, سىرتقا شىعىپ كەتكەن. ال اۋە كومپانياسىنىڭ وكىلدەرى ولاردى رەيستەن شىعارامىز دەپ قورقىتقان. Fly Arystan قىزمەتكەرلەرى ءوزىن دورەكى ۇستاپ, جانجال باستالعان.
ال FlyArystan اۋە كومپانياسىنىڭ مالىمەتىنشە, KS 7107 الماتى-شىمكەنت رەيسى وندىرىستىك قاجەتتىلىككە بايلانىستى كەشىككەن. ونىڭ كەشىگەتىنى جولاۋشىلار اۆتوبۋسقا وتىرعان كەزدە بەلگىلى بولىپتى. قاداعالاۋشى مەن اۆياتسيالىق قاۋىپسىزدىك قىزمەتكەرلەرى جولاۋشىلارعا ءمان-جايدى تۇسىندىرگەن.
ودان كەيىن جولاۋشىلار دورەكىلىك تانىتىپ, اۋە كومپانياسىنىڭ قىزمەتكەرلەرىنە, نارازىلىقتارىن ءبىلدىردى دەيدى. دەگەنمەن, توبەلەس نەمەسە قوقان-لوققىلار تىركەلمەگەن.
