Jańalyqtar
Fly Arystan qyzmetkerleri men jolaýshylar arasynda janjal shyqty
Foto: dknews.kz
Jelide taraǵan aqparatqa sáıkes, Fly Arystan Shymkentke ushatyn reısti keıinge qaldyryp, jolaýshylardy 20 mınýttaı jeldetkishi joq avtobýstyń ishinde ustaǵan, – dep jazady qandastar.kz
Saldarynan birneshe jolaýshy shydaı almaı, syrtqa shyǵyp ketken. Al áýe kompanııasynyń ókilderi olardy reısten shyǵaramyz dep qorqytqan. Fly Arystan qyzmetkerleri ózin dóreki ustap, janjal bastalǵan.
Al FlyArystan áýe kompanııasynyń málimetinshe, KS 7107 Almaty-Shymkent reısi óndiristik qajettilikke baılanysty keshikken. Onyń keshigetini jolaýshylar avtobýsqa otyrǵan kezde belgili bolypty. Qadaǵalaýshy men avıaııalyq qaýipsizdik qyzmetkerleri jolaýshylarǵa mán-jaıdy túsindirgen.
Odan keıin jolaýshylar dórekilik tanytyp, áýe kompanııasynyń qyzmetkerlerine, narazylyqtaryn bildirdi deıdi. Degenmen, tóbeles nemese qoqan-loqqylar tirkelmegen.
