Fly Arystan bıletteri nege qymbattady – Mınıstr jaýap berdi

Foto: Pixabay.com

Kólik mınıstri Marat Qarabaev eldegi loýkoster áýe kompanııasynyń bıletteri nege ózge kompanııalardan qymbat ekenin túsindirdi, dep habarlaıdy Skifnews.kz aqparat portaly. 

«Loýkoser óz maqsatynan aınyǵan joq. Kezinde 12-16 myń teńgeden bıletter shyqqanda, múldem ushaqpen ushpaǵan adamdar da ushyp bastady. Bul qazaqstandyqtar arasynda jańa mádenıet qalyptastyrdy. Sonyń nátıjesinde sońǵy úsh jylda áýejaı jolaýshylary sany 20 paıyzǵa artty. Jalpy Fly Arystan qurylǵaly bıletteriniń 56 paıyzy jeńiltetilgen baǵamen satylǵan», – dep jaýap berdi mınıstr Úkimet úıinde tilshi suraǵyna.

Mınıstr bılet baǵasy memleket tarapynan qadaǵalanbaıtynyn, bul naryqtyq ekonomıka ekenin de eske saldy.

Al tilshi loýkoster baǵasynan Air Astana, Scat áýe kompanııalarynyń bıleti arzanyraq shyǵatynyn aıtty.

«Qazir Almatydan Astanaǵa 19 qyrkúıekke bılet qarap otyrymyn, 19 myń teńgeden bıletter bar. Jalpy bılet baǵasynyń 60 paıyzyn janar-jaǵarmaı quraıdy, oǵan qosa ushaqty kútip-ustaý, qozǵaltqysh sekildi bólshekteriniń baǵasy sheteldik valıýtada ósip jatyr, bul da baǵaǵa áser etedi. Skattyń ózi de jeńildikti bılet júıesin engizip jatyr. Bul árıne jaqsy, Fly Arystan bomlaǵanda bılet baǵasy qymbatqa satylar edi», – deıdi M. Qarabaev.

Sonymen birge, mınıstr qazaqstandyq jáne sheteldik áýe kompanııalaryn salystyrýǵa bolmaıtynyn aıtty.

«Birinshiden halyqaralyq baǵyttarda qansha kompanııanyń jumys isteıtinine qaraý kerek. Bir baǵytqa birneshe kompanııa ushsa, qyzý básekelestik baǵaǵa áser etedi. Ekinshisi, ara qashyqtyq shaqyrymyn esepteý kerek. Týra sol shaqyrymdy esepteseńiz, Eýropadaǵy baǵa bizdikimen birdeı nemese bizdiki tómen bolyp shyǵady. Mundaı egjeı-tegjeıli saralaýdy jıi ótkizemiz. Jalpy ushaqty kútip-ustaýda álem boıynsha bir baǵa bar. Osynyń bári bılet qunyna áser etedi», – deıdi Kólik mınıstri.