جاڭالىقتار
FlyArystan باسشىسى قىزى استانا اۋەجايىندا جالعىز قالعان انادان كەشىرىم سۇراۋ ءۇشىن ورالعا باردى
فوتو: FlyArystan
FlyArystan كومپانياسىنىڭ باس ديرەكتورى ريچارد لەدجەر استانا اۋەجايىندا رەيسكە كىرگىزىلمەي, جالعىز قالىپ كەتكەن 12 جاسار قىزدىڭ اناسىمەن كەزدەستى. بۇل تۋرالى qandastar.kz Stan.kz-كە سىلتەمە جاساپ حابارلايدى.
12 جاسار قىزدى اۋە كومپانياسىنىڭ قىزمەتكەرلەرى ۇشاققا كىرگىزبەي, ەلوردادا جالعىز قالدىرعان ەدى. اۋە كومپانياسىنىڭ باسشىسى قىزدىڭ اناسى جازيرا مۋسينامەن كەزدەسۋ ءۇشىن ورالعا ۇشىپ باردى.
«اۋە كومپانياسىنىڭ باسشىسى 2024 جىلدىڭ 21 شىلدەسىندە كس 7367 رەيسىنە ءمىنۋ كەزىندە استانا اۋەجايىندا قالعان زەرە عاليەۆانىڭ اناسى جازيرا مۋسينادان كەشىرىم سۇراۋ ءۇشىن ورالعا ۇشىپ باردى», – دەلىنگەن حابارلامادا.
ريچارد لەدجەر زەرە عاليەۆاعا, ونىڭ اپكەسى زاۋراعا جانە اناسى جازيراعا FlyArystan كومپانياسىمەن 2024 جىلدىڭ سوڭىنا دەيىن قازاقستان اۋماعىندا ۇشۋ قۇقىعىن بەرەتىن سەرتيفيكاتتار تاپسىردى.
ەسكە سالايىق, بۇعان دەيىن FlyArystan اۋەكومپانياسى 12 جاسار قىزدى رەيسكە مىنگىزبەي, جالعىز ءوزىن وزگە قالادا قالدىرىپ كەتكەن ەدى. وقيعادان كەيىن قىزدىڭ اناسى اۋەكومپانيانىڭ قىزمەتىنە نارازىلىق بىلدىرگەن.
سوزىنشە, 20 شىلدەدە زەرە جانە زاۋرە اتتى ەگىز قىزى امەريكادان ەلگە قايتقان. ولار سەنىمدى وكىلمەن, ءبىر توپ بالامەن ساياحاتتاعان. قايتاردا استانا ارقىلى ترانزيتپەن ورالعا ۇشۋى كەرەك بولعان, بىراق زەرەنى كومپانيا بورتقا كىرگىزبەي, تاستاپ كەتكەن.
