FlyArystan basshysy qyzy Astana áýejaıynda jalǵyz qalǵan anadan keshirim suraý úshin Oralǵa bardy

Foto: FlyArystan

FlyArystan kompanııasynyń bas dırektory Rıchard Ledjer Astana áýejaıynda reıske kirgizilmeı, jalǵyz qalyp ketken 12 jasar qyzdyń anasymen kezdesti. Bul týraly qandastar.kz Stan.kz-ke silteme jasap habarlaıdy.

12 jasar qyzdy áýe kompanııasynyń qyzmetkerleri ushaqqa kirgizbeı, elordada jalǵyz qaldyrǵan edi.  Áýe kompanııasynyń basshysy qyzdyń anasy Jazıra Mýsınamen kezdesý úshin Oralǵa ushyp bardy.

«Áýe kompanııasynyń basshysy 2024 jyldyń 21 shildesinde KS 7367 reısine miný kezinde Astana áýejaıynda qalǵan Zere Ǵalıevanyń anasy Jazıra Mýsınadan keshirim suraý úshin Oralǵa ushyp bardy», – delingen habarlamada.

Rıchard Ledjer Zere Ǵalıevaǵa, onyń ápkesi Zaýraǵa jáne anasy Jazıraǵa FlyArystan kompanııasymen 2024 jyldyń sońyna deıin Qazaqstan aýmaǵynda ushý quqyǵyn beretin sertıfıkattar tapsyrdy.

Eske salaıyq, buǵan deıin FlyArystan áýekompanııasy 12 jasar qyzdy reıske mingizbeı, jalǵyz ózin ózge qalada qaldyryp ketken edi. Oqıǵadan keıin qyzdyń anasy áýekompanııanyń qyzmetine narazylyq bildirgen.

Sózinshe, 20 shildede Zere jáne Záýre atty egiz qyzy Amerıkadan elge qaıtqan. Olar senimdi ókilmen, bir top balamen saıahattaǵan. Qaıtarda Astana arqyly tranzıtpen Oralǵa ushýy kerek bolǵan, biraq Zereni kompanııa bortqa kirgizbeı, tastap ketken.