FlyArystan-داعى جانجال: جولاۋشىلار توبەلەس شىعارىپ, مونيتوردى قيراتىپ تاستادى

فوتو: tripadvisor.ru

الماتى اۋەجايىنداعى جانجالدى وقيعا جالعاسۋدا. بۇعان دەيىن اشۋلى جولاۋشىلار FlyArystan بولىمشەسىندە شۋ كوتەرىپ, توبەلەس شىعارعان, – دەپ جازادى  qandastar.kz.

اۋەجايداعى دەبوشتان كەيىن پوليتسيا ەكى ازاماتتى ۇستادى, ولاردىڭ ءبىرى – 31 جاستاعى ايەل, ول مونيتوردى لاقتىرىپ, قىزمەتكەرلەرگە بەيادەپ سوزدەر ايتقان. ول وزگەنىڭ  مۇلكىنە قاساقانا زيان كەلتىرگەنى ءۇشىن سوتتالدى (اقبتك-ءنىڭ 147-بابى-1-بولىگى).

ايەلدىڭ وكىنىپ, ءۇش بالا تاربيەلەپ وتىرعانىن ەسكەرە وتىرىپ, سوت وعان 20 اەك (73 840 تەڭگە) مولشەرىندە ايىپپۇل تۇرىندە جازا تاعايىندادى.

ەستەرىڭىزگە سالا كەتەيىك, SMS-ەسكەرتۋدەگى قاتەلىككە بايلانىستى جولاۋشىلار رەيسكە كەشىگىپ, اۆياكومپانيا قىزمەتكەرلەرىن ايىپتاعان بولاتىن.