جاڭالىقتار
Forbes قازاقستانداعى ىقپالدى بيزنەسمەندەردىڭ رەيتينگىن جاريالادى: تيمۋر ق ۇلىباەۆ ۇزدىك بەستىككە كىرە الماي قالدى
فوتو: Pixabay.com
Forbes Kazakhstan جۋرنالىنىڭ قازانداعى جاڭا سانىندا ەڭ ىقپالدى قازاقستاندىق بيزنەسمەندەردىڭ رەيتينگى جاريالاندى. بۇل تۋرالى Stan.kz اقپارات اگەنتتىگى Forbes Kazakhstan سايتىنا سىلتەمە جاساپ حابارلايدى.
ەڭ ىقپالدىلار رەيتينگىندە العاش رەەت كاسىپكەر مارات جۇماننىڭ ەسىمى پايدا بولدى. ونىڭ 30 ەلدە جۇمىس ىستەيتىن Atasu Group كولىك-لوگيستيكالىق حولدينگى 2023 جىلى قىتايدىڭ Shandon Port Group ەڭ ءىرى پورت كومپانياسىمەن سەرىكتەستىك ورناتتى. 2024 جىلعى رەيتينگتە جۇمان 46-ورىندا.
مارات جۇماننىڭ استىندا 50-قاتاردا Bilim Media Group نەگىزىن قالاۋشى راۋان كەنجەحان ۇلى تۇر. ونىڭ مانسابى ءبىلىم بەرۋ سالاسىنا باستاۋ الادى. وقۋلىقتاردىڭ قازاق تىلىنە اۋدارىلۋى, قازاقتىلدى Wikipedia جانە «Online Mektep» ءبىلىم بەرۋ پلاتفورماسى كەنجەحان ۇلىنىڭ رەيتينگكە ەنۋىن قامتاماسىز ەتتى.
inDrive ارسەن تومسكيدى 16-ورىنعا كوتەردى. InDrive ءموبيلدى قوسىمشاسى 46 ەلدىڭ 779 قالاسىندا جۇمىس ىستەيدى. تومسكي 2023 جىلدىڭ جەلتوقسانىندا قازاقستان ازاماتتىعىن العان. بۇرىنعى رەسەي ازاماتىنداعى بايلىعى 2024 جىلدىڭ مامىرىندا 920 ميلليون دوللارعا باعالانىپ, ەڭ باي قازاقستاندىقتار رەيتينگىندە 10-ورىندى يەلەندى.
رەيتينگكە ورالعاندار
تومسكي 50 جاستا, جۇمان 48 جاستا, كەنجەحان ۇلى 45 جاستا.
Lancaster Group كومپانياسىنىڭ يەسى گاۋھار قاپپاروۆا رەيتينگكە ورالدى. الايدا ق ۇلىباەۆتاردىڭ سەرىكتەسى راۋشان ساعديەۆا رەيتينگتەن ءتۇسىپ قالدى. ساعديەۆا 2023 جىلى 47-ورىندا بولدى, قاپپاروۆا 2024 جىلى 41-ورىندا.
تىزىمنەن شىعىپ, قايتا ورالعاندار اراسىندا Nomad Life جانە Nomad Insurance اكتسيونەرى الماس مىڭباەۆ, «التىن ىزدەۋشى» التىنالماس», «قازاقالتىن» باسشىسى ۆلاديمير جۇمانباەۆ, «ينجەنەر-ەنەرگەتيك» سەرگەي كان جانە Kaspi.kz سايتىنىڭ اكتسيونەرى جانە باسشىسى ميحايل لومتادزە بار. لومتادزە التىنشى ورىندا.
رەيتينگتە ورنى اۋىسقاندار
«Qarmet» كومپانياسىنىڭ يەسى اندرەي لاۆرەنتەۆتىڭ 26-ورىننان 9-ورىنعا كوتەرىلدى.
شۋحرات يبراگيموۆ 11-ورىننان 7-ورىنعا كوتەرىلدى. اگرارلىق بيزنەسمەندەر سەرىك تولىقپاەۆ پەن يۆان ساۋەر دە ءوستى.
الايدا تيمۋر ق ۇلىباەۆ 3-تەن 8-گە ءتۇستى. «بازيس-ا قۇرىلىس» كورپوراتسياسىنىڭ نەگىزىن قالاۋشى الەكساندر بەلوۆيچ 9-ورىننان 14-ورىنعا تومەندەدى. جانار-جاعارماي قۇيۋ ستانتسيالارى جەلىلەرىنىڭ يەسى دانيار ابىلعازين دە التى قاتارعا ءتۇسىپ قالدى.
Forbes Kazakhstan جۋرنالىنىڭ مالىمەتىنشە, سەرىكجان سەيىتجانوۆ, سايدۋللا قوجاباەۆ جانە الەكساندر كلەبانوۆتىڭ دا ىقپالى ايتارلىقتاي تومەندەتكەن.
بولات وتەمۇراتوۆ ەكىنشى ورىننان ءۇشىنشى ورىنعا كوتەرىلدى. ۇزدىك بەستىكتى جاپقان تيمۋر تۇرلوۆ پەن نۇرلان سماعۇلوۆ سايكەسىنشە بەسىنشى جانە جەتىنشى قاتاردان جوعارى كوتەرىلدى.
رەيتينگتىڭ كوشىن KAZ Minerals باسشىسى ۆلاديمير كيم باستاپ تۇر.
