«GAZeldi basyp ozbaq bolǵan»: Qostanaı oblysynda jol apatynan tórt adam kóz jumdy

Foto: Qostanaı oblysy PD

Qostanaı oblysynda tórt adamnyń ómirin qıǵan jol-kólik oqıǵasy boıynsha qylmystyq is qozǵaldy. Bul týraly oblystyq polıııa departamentiniń baspasóz qyzmeti málimdedi, dep habarlaıdy qandastar.kz

16 qyrkúıek kúni keshki ýaqytta Jangeldın aýdany Torǵaı aýylynyń mańynda «Torǵaı-Arqalyq» avtojolynyń 17-shi shaqyrymynda Lexus pen GAZel kólikteri soqtyǵysqan jol apaty boldy. Eki kólik te Arqalyq qalasyna qaraı bir baǵytta júrip kele jatqan.

Aldyn ala málimetter boıynsha, Lexus kóliginiń 38 jastaǵy júrgizýshisi basyp ozý kezinde kólikti basqara almaı, ekinshi kólikpen soqtyǵysqan.

«Jol-kólik oqıǵasy saldarynan Lexus kóliginiń júrgizýshisi men eki jolaýshysy, onyń ishinde eki bala oqıǵa ornynda alǵan jaraqattarynan kóz jumdy. Taǵy bir jolaýshy aýrýhanada qaıtys boldy. Osy oqıǵa boıynsha polıııa qylmystyq is qozǵady. Oqıǵa ornynda jedel-tergeý toby jumys istep jatyr», – delingen habarlamada.

Polıııa qyzmetkerleri júrgizýshilerdi jol qozǵalysy erejelerin, ásirese, jyldamdyq rejımin jáne manevr jasaý qaǵıdalaryn qatań saqtaýǵa shaqyrady.