جاڭالىقتار
گۇلميرا ابىقاي: زورلىق-زومبىلىق جاعىنان قالىسپايمىز, تيراندار ەندى ءوزىنىڭ تۋعان قىزدارىنا كوشتى
ۆيدەو: سكرين
الەۋمەتتىك جەلىدە كىشكەنتاي قىزىن تاياقپەن قورقىتقان 41 جاستاعى قىرعىز ازاماتىنىڭ ارەكەتى جۇرتتىڭ ۇرەيىن تۋدىردى, دەپ جازدى qandastar.kz
ۆيدەونى جۋرناليست گۇلميرا ابىقاي ءوزىنىڭ الەۋمەتتىك پاراقشاسىندا جاريالادى.
«بىرتۋعان قازاق پەن قىرعىز قاتىگەزدىك, زورلىق-زومبىلىق جاعىنان ءبىر-بىرىنەن قالىسار ەمەس. قىرعىزستاندا دا ايەلدى ءولىمشى ەتىپ ساباۋ, قۇلاق-مۇرنىن كەسىپ الۋ, ۇرىپ ءولتىرۋ ۇدەپ كەلەدى. ەندى تيراندار ءوزىنىڭ تۋعان قىزدارىنا كوشتى.
وقيعا كورشى ەلدىڭ نووكەن اۋماعىندا بولعان. ايەلىن ۇرىپ-سوعىپ قۋىپ جىبەرگەن مىنا اكەسىماق قايتپاساڭ قىزدى ۇرامىن دەپ قوقان-لوقى جاساپ ۆيدەو جىبەرگەن. پوليتسيا 41 جاستاعى ەركەكتى قاماعانىن ەستىپ ۋھ دەدىم. بۇل ۆيدەودا مىنا كىشكەنتاي قىزدىڭ باۋىرىن ايادىم. شامامەن, 8-9 جاسار ۇل بالا ىشتەي تىستەنىپ, اكەسىنە قوي دەۋگە باتا الماي, جاستىقتى بەتىنە جاۋىپ, بۇك ءتۇسىپ ارتىندا جاتىر», — دەپ جازدى جۋرناليست.
