Gýmanıtarlyq kómek: Qazaqstan qaı elge kómektesti jáne qaı elden kómek aldy

Elimizde bıyldan bastap Naýryz 10 kún boıy toılanady. Ulyq merekeniń jańa formaty boıynsha 14-23 naýryz kúnderi – Naýryznama onkúndigi dep jarııalandy. Atap aıtqanda, 14 naýryz Amal merekesi toılandy. Al búgin, 15 naýryz – Qaıyrymdylyq kúni. Ony el boıynsha qaıyrymdylyqqa, meıirim men tatý kórshilikke arnaımyz. Osy oraıda, Qazaqstannyń qaı elderge kómek qolyn sozyp, qıyn sátterde qoldaý kórsetkenine kóz júgirttik.

Qazaqstan halyqaralyq qaýymdastyqtyń tolyqqandy múshesi bolǵandyqtan, basyna qıyn is túsken memleketterge qoldan kelgen kómegin aıap kórgen emes. Oǵan keıingi jyldyń ishinde ǵana jan-jaqqa jóneltilgen gýmanıtarlyq júkter dálel. Gýmanıtarlyq kómektiń basym bóligi Ortalyq Azııadaǵy irgeles elderge kórsetilgenin aıta ketý kerek.

Syrtqy ister mınıstrliginiń janyndaǵy «Qazaqstan halyqaralyq damý agenttigi» (KazAID) kommerııalyq emes akıonerlik qoǵamy usynǵan derek boıynsha, 2021 jyly Qazaqstan 13,9 mln dollardyń gýmanıtarlyq kómegin kórsetken. Kómekti qabyldaýshy elder – Qyrǵyz Respýblıkasy, Tájikstan jáne Aýǵanstan.
Al 2022 jyly 23,4 mln dollardyń gýmanıtarlyq kómegin Pákistan Islam Respýblıkasy, Ýkraına, Qyrǵyz Respýblıkasy, Tájikstan jáne Aýǵanstan elderine joldaǵan.
2023 jyldyń qańtarynan qyrkúıek aıyna deıin 62,7 mln dollardyń gýmanıtarlyq kómegin Pákistan Islam Respýblıkasy, Túrkııa Respýblıkasy, Sırııa Arab Respýblıkasy, Tájikstan jáne Aýǵanstan elderine jóneltken.

Atap aıtqanda, 2023 jyly 6 aqpan kúni Túrkııada epıentri Kahramanmarash provınııasynyń Pazardjık aýdanynda 7 baldan asatyn eki ret jer silkindi. Odan keıingi júzdegen dúmpýler eldiń 11 provınııasynda jáne Sırııa sekildi kórshi memleketterde de sezildi. Qazaqstan Respýblıkasy Prezıdenti Qasym-Jomart Toqaevtyń tapsyrmasy boıynsha Qazaqstan Úkimeti joıqyn jer silkinisinen zardap shekken Sırııa halqyna gýmanıtarlyq kómek jasady. Úkimet joıqyn jer silkinisi saldarynan zardap shekken Túrkııa Respýblıkasyna kómek retinde 1 mln dollar bóldi.