Ǵylymı jańalyq ashýda názik jandylardyń úlesi zor

Genderlik teńdik – el órkendeýiniń kepili». Osyndaı ataýmen Shymkentte «AMANAT» partııasy qalalyq fılıalynyń janyndaǵy Áıelder qanatynyń uıymdastyrýymen respýblıkalyq forým ótti. Sharanyń maqsaty — názik jandylardy ǵylymǵa yntalandyrý, qoldaý kórsetý. Búginde álemdegi ǵalymdardyń 30 paıyzy — áıelder. Al bizde bul kórsetkish – 54 paıyz. Bul – elimizde burymdylardyń bilim alýyna, ǵylymı joldy tańdaýda kedergi joqtyǵynyń kórinisi. Partııanyń bastamasymen ótken jyly barlyq óńirde Áıelder qanaty qurylyp, belsendi jumys isteýde.

Perızat Parmanqulova — M.Áýezov atyndaǵy oqý ǵylymı jobalar jáne baǵdarlamalar departamentiniń dırektory:

Qazirgi tańda MuhtarÁýezov atyndaǵy Ońtústik Qazaqstan ýnıversıtetinde oryndalyp jatqan ǵylymı jobalalrdyń qarjy kólemi 5 mlrd teńgeden asty. Bul jerde áıel adamdardyń oryndalyp jatqan jobalardaǵy áıel adamdardyń úlesi 51 paıyzdy quraıdy. Iaǵnı, osy ǵylymı jobalardy, osy qarjylardy ákelýde, ǵylymı jańalyq ashýda bizdiń ǵalymdarymyzdyń ásirese áıel ǵalymdarymyzdyń eńbegi orasan zor.