حالىق جاۋى بولسا, الاڭعا شىعارىپ اتىپ تاستاڭىزدار – قايرات نۇرتاستىڭ اكەسى

فوتو: اشىق دەرەككوز

گۇلزيرا ايداربەكوۆا مەن نۇرتاس ايداربەكوۆ تەلەجۇرگىزۋشى اينۇر اسانبەردىگە بەرگەن سۇحباتىندا  قايرات نۇرتاستىڭ اياعىنان شالۋشىلار كوپ بولعانىن ايتتى, دەپ حابارلايدى Paryz.kz Ulysmedia.kz سايتىنا سىلتەمە جاساپ.

نۇرتاس ايداربەكوۆ الماتىدا “پرايم پلازادا” بولعان وقيعانى ەسكە الدى.

2013 جىلى قايرات نۇرتاستىڭ انشىلەرى اتالعان ساۋدا ورتالىعىندا بۇزاقىلىق جاساپ, 107 ادام پوليتسياعا جەتكىلىگەن ەدى. ودان كەيىن دە بىرنەشە وقيعا بولعانىن ايتقان ول كوپ جەردە قايراتتىڭ ەشقانداي كىناسى جوق ەكەنىن ايتتى.

“بۇل قايراتتىڭ ىستەپ جۇرگەن جۇمىسى عوي. قايراتقا ەڭبەكاقىسىن تولەپ, تۋالەتتىڭ قاسىنا اپپارات قويىپ, مىنا جەردە ايت دەسەڭ دە, ول ايتادى. ويتكەنى جۇمىسى سول. سوندىقتان, قايرات باردى, شاقىردى, اقشاسىن تولەدى. ولەڭىن ايتتى, كەتتى. بىراق تۇيەنىڭ بىلەتىنى جانتاق دەيدى عوي. سول سياقتى, جۇرتتىڭ بىلەتىنى قايرات. ول جەردە قايراتتىڭ جەكە كونتسەرتى ەمەس مىسالى. مىڭداعان ءانشى ءجۇر. بىراق سول كەزدە قايرات العا شىعىپ تۇرعان بالا, اتىن پلاكاتقا ۇلكەن قىلىپ قويىپ قويعان. جۇرت قايراتتىڭ كونتسەرتى دەپ ويلايدى”, – دەدى ايداربەكوۆ.

ونىڭ سوزىنشە, سودان كەيىن قايراتتىڭ اياعىنان شالۋشىلار بولعان.

“حالىق جاۋى قۇساتىپ سول كەزدە دە اياعىنان قاتتى شالدى. مارقۇم ارمان دۇيسەنوۆتىڭ كونتسەرتى بولدى تۋرا سول كەزدە. قايرات سونىڭ ءبىر-ەكى ءانىن ورىندايدى ەكەن. سونىڭ كونتسەرتىنە ءان ايتۋعا كەتكەن. سويتسەم دۆورەتسكە كىرگىزبەي قويىپتى. كەيىن ءبىر ۇلكەن كىسىلەرگە بارىپ ايتتىم: ەندى حالىق جاۋى بولسا, الاڭعا الىپ شىعىپ, اتىپ تاستاي سالىڭىزدار, ول بالانى نە قىلاسىزدار?” دەدىم. دۆورەتسكە كىرگىزبەۋ دەگەن نە سۇمدىق? قايراتتىڭ قانداي كىناسى بار دەسەم, شامالى ءبىر جىل قويا تۇرىڭىز, ءبارى باسىلادى. حالىق قايرات دەپ شۋلاپ جاتىر عوي دەدى. ءبىر جىل دۆورەتسكە شىققان جوق. تويعا بارىپ ءجۇردى. سوندايدىڭ ءبارى سوققى عوي. مىنا جاقتان ءبارى جاقسى بولادى دەپ باسۋ ايتىپ جۇردىك”, – دەدى ول.