حالىقارالىق ساراپشىلار قازاقستانعا جەمقورلىققا قارسى زاڭنامانى دامىتۋعا ۇسىنىس بەردى

فوتو: اشىق دەرەككوز

9 جەلتوقساندا بۇكىل الەمدە حالىقارالىق سىبايلاس جەمقورلىققا قارسى كۇرەس كۇنى اتالىپ وتىلەدى — بۇل كۇنى بۇۇ-نىڭ ءتيىستى كونۆەنتسياسى قابىلداندى. بۇۇ-نىڭ سىبايلاس جەمقورلىققا قارسى كۇرەس جونىندەگى كونۆەنتسياسىنىڭ ماقساتى جەمقورلىققا نەعۇرلىم ءتيىمدى جانە پارمەندى قارسى ءىس-قيمىلعا, سونداي-اق حالىقارالىق ىنتىماقتاستىقتى قولداۋعا باعىتتالعان شارالاردى نىعايتۋ بولىپ تابىلادى. قازاقستان حالىقارالىق ستاندارتتاردى يمپلەمەنتاتسيالاۋ ارقىلى ۇلتتىق زاڭنامانى جانە قۇقىق قولدانۋ پراكتيكاسىن ۇزدىكسىز جەتىلدىرە وتىرىپ, وسى كونۆەنتسيانىڭ قول قويۋشىسى جانە بەلسەندى قاتىسۋشىسى بولىپ تابىلادى, دەپ جازدى qandastar.kz

وسى باعىتتاعى قازاقستاننىڭ سىبايلاس جەمقورلىققا قارسى قىزمەتىنىڭ الدىندا تۇرعان ماڭىزدى مىندەتتەردىڭ ءبىرى ۇلتتىق قۇقىقتىڭ ەرەكشەلىكتەرى مەن مۇمكىندىكتەرىن ەسكەرە وتىرىپ, ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) ستاندارتتارىن ەنگىزۋ بولىپ تابىلادى. حالىقارالىق جەمقورلىققا قارسى كۇرەس كۇنى قارساڭىندا ەىدۇ سىبايلاس جەمقورلىققا قارسى جەلىسىنىڭ ىستامبۇل ءىس-قيمىل جوسپارى شەڭبەرىندە قازاقستاندىق زاڭناما مونيتورينگىنىڭ 5-راۋندىن باعالاۋ ناتيجەلەرى جاريالاندى.

مونيتورينگ ەنگىزىلەتىن شارالاردىڭ تيىمدىلىگىنە باعدارلانعان جاڭا ءادىسناما بويىنشا جۇرگىزىلگەنىن اتاپ وتكەن ءجون. ەىدۇ ساراپشىلارىنىڭ ەسەبىندە قازاقستاننىڭ نەگىزگى سالالاردى رەفورمالاۋداعى ەلەۋلى جەتىستىكتەرى اتاپ ءوتىلدى, سونداي-اق ودان ءارى دامىتۋ ءۇشىن ۇسىنىمدار بەرىلدى. قازاقستان ورتالىق ازيادا جەمقورلىققا قارسى رەفورمالاردى ىسكە اسىرۋدىڭ جۇيەلىلىگى مەن جوسپارلىلىعى بويىنشا وزىق ناتيجەلەردى كورسەتە وتىرىپ, وڭىردەگى كوشباسشىلىقتى نىعايتتى. مامانداردىڭ پىكىرىنشە, ەل حالىقارالىق ستاندارتتاردى ۇلتتىق ەرەكشەلىكتەرگە بەيىمدەي وتىرىپ, ءتيىمدى پايدالانادى. سونداي-اق, 2022-2026 جىلدارعا ارنالعان تۇجىرىمدامانى ناقتى ءىس-قيمىل جوسپارىمەن, جوبالىق تاسىلمەن جانە ورىندالۋىن قوعامدىق باقىلاۋمەن ەنگىزۋ جولىمەن جەمقورلىققا قارسى ساياساتتى جەتىلدىرۋ اتاپ ءوتىلدى, بۇل ونى ىسكە اسىرۋدىڭ تيىمدىلىگىن ارتتىرۋعا مۇمكىندىك بەردى . ساراپشىلاردىڭ پىكىرىنشە, ەلەكتروندىق پلاتفورمالار اقپاراتقا قول جەتكىزۋدى قامتاماسىز ەتە وتىرىپ, قوعامدىق مونيتورينگ قۇرالدارىن كۇشەيتە وتىرىپ جانە سىبايلاس جەمقورلىق تاۋەكەلدەرىن ازايتا وتىرىپ, كونكۋرستىق راسىمدەردىڭ بارلىق كەزەڭدەرىن قامتيتىن مەملەكەتتىك ساتىپ الۋدىڭ اشىقتىعى ارتتى.

ەىدۇ تالداۋشىلارى بيزنەستەگى پاراساتتىلىقتى نىعايتۋ جونىندەگى جۇمىستى جوعارى باعالادى. بۇعان كۆازيمەملەكەتتىك كومپانيالار ءۇشىن سىبايلاس جەمقورلىققا قارسى ستاندارتتاردى ازىرلەۋ جانە ەنگىزۋ, سونداي-اق كورپوراتيۆتىك باسقارۋ كودەكستەرىن ەنگىزۋ ىقپال ەتەدى. بيزنەس-ومبۋدسمەن ينستيتۋتىنىڭ قىزمەتى وڭ اتاپ ءوتىلدى. سونداي-اق ەىدۇ ەسەبىندە قازاقستاننىڭ جەمقورلىققا قارسى مامانداندىرىلعان ينستيتۋتتار مەن ورگانداردى, ونىڭ ىشىندە زاڭسىز الىنعان اكتيۆتەردى قايتارۋمەن اينالىساتىن ورگانداردى قۇرۋ, جوعارى لاۋازىمدى ادامداردى قىلمىستىق جاۋاپكەرشىلىككە تارتۋ جونىندەگى جۇمىستى جانداندىرۋ جونىندەگى پروگرەسىنە نازار اۋدارىلعان.

سونىمەن قاتار حالىقارالىق ساراپشىلار قازاقستانعا جەمقورلىققا قارسى زاڭنامانى ودان ءارى دامىتۋ بويىنشا ۇسىنىستار بەردى, ونىڭ ىشىندە: -سىبايلاس جەمقورلىق قىلمىستاردى تەرگەۋ تەتىكتەرىن نىعايتۋ, ونىڭ ىشىندە ىقپال ەتۋ ساۋداسى ءۇشىن, زاڭدى تۇلعالارعا قاتىستى پارا ۋادە ەتكەنى (ۇسىنعانى) ءۇشىن قىلمىستىق جاۋاپتىلىقتى ەنگىزۋ; -سىبايلاس جەمقورلىق فاكتىلەرى تۋرالى حابارلايتىن ادامداردىڭ قۇقىقتارىن قورعاۋدى كۇشەيتۋ جانە تاسىلدەردى جەتىلدىرۋ; -دەكلاراتسيالاۋ جۇيەسىن جانە مۇددەلەر قاقتىعىسى ينستيتۋتىن جەتىلدىرۋ; -جۇرتشىلىقتى سىبايلاس جەمقورلىققا قارسى باستامالارعا بەلسەندى تارتۋ.