حالىقارالىق زاڭگەر: يسلامدا ايەلگە يمام بولۋعا تىيىم سالىنباعان

فوتو: اشىق دەرەككوز

حالىقارالىق زاڭگەر ايگەرىم قۇسايىنقىزى سۇحباتتارىنىڭ بىرىندە يسلامداعى فەمينيزمدى زەرتتەگەنىن ايتتى, دەپ حابارلايدى Skifnews.kzاقپارات پورتالى.

ونىڭ ايتۋىنشا, يسلامدا ايەلگە يمام بولۋعا تىيىم سالىنباعان. بۇل تۋرالى Ulysmedia.kzجازدى.

دىنگە كەلەتىن بولساق, مەن يسلام فەمينيزمىن زەرتتەگەنمىن. ۋنيۆەرسيتەتتە زاڭگەر رەتىندە ارنايى ساباق العانمىن. مەن يسلامدى جاقسى كورەمىن, اسىل ءدىن دەگەنگە كەلىسەمىن. بىراق بىزدە يسلامدى 14 عاسىر بويى تەك قانا ەركەكتەر ءتاپسىر جازىپ كەلدى, ەركەكتەر ينتەرپرەتاتسيالاپ كەلدى. ەركەكتەر دىندەگى كوپتەگەن اۋدارمالاردى, تۇسىنىكتەمەلەردى ايەلدى قولدانۋ ماقساتىندا جازدى, – دەيدى زاڭگەر ايگەرىم قۇسايىنقىزى.

ونىڭ سوزىنشە, ەركەكتەر “سەن بىزدەن جاراتىلدىڭ, سەن بىزگە قىزمەت ەتۋىڭ كەرەك” دەپ جازعانىمەن, شىن مانىندە ولاي ەمەس ەكەنىن جازىپ جۇرگەن ەگيپەتتىك عالىم ايەلدەر مەن يمام ايەلدەر بار.

مىسالى, گەرمانيادا يمام ايەل بار. كۇزەتشىلەرمەن جۇرەدى. ول قۇراندا تىيىم سالىنباعان, ايەلگە يمام بولما دەگەن ءسوز جوق دەيدى. مەن ايەلمىن, يمام بولا الامىن دەدى, يمام بولدى. بىراق وعان كوپ ادام كيللەر جالداپ, ولتىرمەكشى بولدى. سوندىقتان ول كۇزەتشىلەرمەن جۇرەدى. ياعني, ءدىن وزگەرىپ جاتىر دەگەندە ءبىز دىنگە قاتىپ قالعان اكسيوما ەمەس, وعان ءبىز سىني تۇرعىدا قاراۋىمىز كەرەك. نەگە دەگەن سۇراقتى قويۋىمىز كەرەك, – دەيدى زاڭگەر.

دەسە دە, ول ايەل يمام بولسا, ايەل تەڭدىگىن ايتادى, ايەل ءوزىنىڭ قۇقىعىن بىلگەن سايىن اجىراسۋ كوبەيەدى, اجىراسۋ كوبەيگەن سايىن حالىق ازايادى, حالىق ازايسا, سوعىساتىن ادام بولمايدى, سوندىقتان ساياسي تۇرعىدا ونىڭ تيىمسىزدىگىنىڭ سەبەپتەرى كوپ ەكەنىن ايتا كەلە, «يسلامدا ءالى ءبىز قاتپارىن اشپاعان دۇنيە كوپ» دەيدى.

يسلام وتە پروگرەسسشىل ءدىن نەگىزى. ايەلگە قۇقىق بەرگەن. ايەلدىڭ تابىسى ءوزىنىڭ تابىسى, كۇيەۋىنىڭ تابىسى ورتاق تابىس نەمەسە ەركەك يسلامدا ايەلىنە ەمىزگەنى ءۇشىن ومىراۋىنىڭ اقىسىن تولەۋى كەرەك دەگەن بار, – دەيدى ول.