Halyqaralyq zańger: Islamda áıelge ımam bolýǵa tyıym salynbaǵan

Foto: ashyq derekkóz

Halyqaralyq zańger Áıgerim Qusaıynqyzy suhbattarynyń birinde ıslamdaǵy femınızmdi zerttegenin aıtty, dep habarlaıdy Skifnews.kzaqparat portaly.

Onyń aıtýynsha, Islamda áıelge ımam bolýǵa tyıym salynbaǵan. Bul týraly Ulysmedia.kzjazdy.

Dinge keletin bolsaq, men ıslam femınızmin zerttegenmin. Ýnıversıtette zańger retinde arnaıy sabaq alǵanmyn. Men ıslamdy jaqsy kóremin, asyl din degenge kelisemin. Biraq bizde ıslamdy 14 ǵasyr boıy tek qana erkekter tápsir jazyp keldi, erkekter ınterpretaııalap keldi. Erkekter dindegi kóptegen aýdarmalardy, túsiniktemelerdi áıeldi qoldaný maqsatynda jazdy, – deıdi zańger Áıgerim Qusaıynqyzy.

Onyń sózinshe, erkekter “sen bizden jaratyldyń, sen bizge qyzmet etýiń kerek” dep jazǵanymen, shyn máninde olaı emes ekenin jazyp júrgen egıpettik ǵalym áıelder men ımam áıelder bar.

Mysaly, Germanııada ımam áıel bar. Kúzetshilermen júredi. Ol Quranda tyıym salynbaǵan, áıelge ımam bolma degen sóz joq deıdi. Men áıelmin, ımam bola alamyn dedi, ımam boldy. Biraq oǵan kóp adam kıller jaldap, óltirmekshi boldy. Sondyqtan ol kúzetshilermen júredi. Iaǵnı, din ózgerip jatyr degende biz dinge qatyp qalǵan aksıoma emes, oǵan biz synı turǵyda qaraýymyz kerek. Nege degen suraqty qoıýymyz kerek, – deıdi zańger.

Dese de, ol áıel ımam bolsa, áıel teńdigin aıtady, áıel óziniń quqyǵyn bilgen saıyn ajyrasý kóbeıedi, ajyrasý kóbeıgen saıyn halyq azaıady, halyq azaısa, soǵysatyn adam bolmaıdy, sondyqtan saıası turǵyda onyń tıimsizdiginiń sebepteri kóp ekenin aıta kele, «ıslamda áli biz qatparyn ashpaǵan dúnıe kóp» deıdi.

Islam óte progressshil din negizi. Áıelge quqyq bergen. Áıeldiń tabysy óziniń tabysy, kúıeýiniń tabysy ortaq tabys nemese erkek ıslamda áıeline emizgeni úshin omyraýynyń aqysyn tóleýi kerek degen bar, – deıdi ol.