حالىقتىڭ كوشى-قونى تۋرالى زاڭ 11

11-تاراۋ. قازاقستان رەسپۋبليكاسى ازاماتتارىنىڭ ەلدەن تىس جەرگە كەتۋىنىڭ شارتتارى مەن ءتارتىبى. زاڭسىز كوشىپ كەلۋدىڭ الدىن الۋ

54-باپ. ەلدەن تىس جەرگە كەتەتىن قازاقستان رەسپۋبليكاسى ازاماتتارىنىڭ ساناتتارى ەلدەن تىس جەرگە كەتەتىن قازاقستان رەسپۋبليكاسىنىڭ ازاماتتارى:

1) باسقا مەملەكەتكە تۇراقتى تۇرۋ ءۇشىن كەتەتىن قازاقستان رەسپۋبليكاسىنىڭ ازاماتتارى;

2) باسقا مەملەكەتكە ۋاقىتشا تۇرۋ ءۇشىن كەتەتىن قازاقستان رەسپۋبليكاسىنىڭ ازاماتتارى بولىپ ەكى ساناتقا بولىنەدى. باسقا مەملەكەتكە ۋاقىتشا تۇرۋ ءۇشىن كەتەتىن قازاقستان رەسپۋبليكاسىنىڭ ازاماتتارىنا قازاقستان رەسپۋبليكاسىنىڭ شەتەلدەگى مەكەمەلەرىنىڭ پەرسونالى, قازاقستان رەسپۋبليكاسىنا بەكىتىپ بەرىلگەن كۆوتالارعا سايكەس حالىقارالىق ۇيىمدار جانىنداعى لاۋازىمدارعا تاعايىندالعان, شەتەلدە ۋاقىتشا ەڭبەك قىزمەتىن جۇزەگە اسىراتىن قازاقستان رەسپۋبليكاسىنىڭ ازاماتتارى, بىتىمگەرشىلىك پارىزىن ورىنداۋشى اسكەري قىزمەتشىلەر, سونداي-اق, ۇيىمدار مەن جەكە ادامداردىڭ شاقىرۋى بويىنشا وقۋدا, ەمدەلۋدە, تۋريستىك جانە جەكە ساپاردا, شەت ەلدەردە قىزمەتتىك ءىسساپاردا جۇرگەن ادامدار جاتادى.

55-باپ. قازاقستان رەسپۋبليكاسى ازاماتتارىنىڭ ەلدەن تىس جەرگە كەتۋىنىڭ شارتتارى مەن ءتارتىبى

1. اركىمنىڭ قازاقستان رەسپۋبليكاسىنان تىس جەرگە كەتۋگە قۇقىعى بار. قازاقستان رەسپۋبليكاسى ازاماتتارىنىڭ قازاقستان رەسپۋبليكاسىنا كەدەرگىسىز قايتىپ ورالۋعا قۇقىعى بار.

2. قازاقستان رەسپۋبليكاسىنان تۇراقتى تۇرعىلىقتى جەرگە كەتۋ ىشكى ىستەر ورگاندارى كەتۋگە ارنالعان قۇجاتتاردى رەسىمدەگەننەن كەيىن جۇزەگە اسىرىلادى.

3. قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋ تۋرالى ءوتىنىشتى ىشكى ىستەر ورگاندارىنا: 1) ارەكەتكە قابىلەتتى ازاماتتار — وزدەرى; 2) بالالار مەن سوت ارەكەتكە قابىلەتسىز دەپ تانىعان ازاماتتار اتىنان ولاردىڭ زاڭدى وكىلدەرى بەرەدى.

4. ىشكى ىستەر ورگاندارى قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋ تۋرالى ءوتىنىش بەرگەن ازاماتتاردىڭ قازاقستان رەسپۋبليكاسىنىڭ شەگىنەن تىس جەرگە كەتۋىنەن باس تارتۋ ءۇشىن نەگىزدەردىڭ بولماۋىنا تەكسەرۋ جۇرگىزەدى. مۇددەلى مەملەكەتتىك ورگاندار قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋ تۋرالى ءوتىنىش بەرگەن ازاماتتارعا قاتىستى ىشكى ىستەر ورگاندارىنىڭ ساۋالدارىن ون كۇن مەرزىمدە قارايدى. قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە ارنالعان قۇجاتتاردى رەسىمدەۋ تۋرالى شەشىم بارلىق قۇجاتتار ۇسىنىلعان كۇننەن باستاپ ءبىر اي مەرزىمنەن كەشىكتىرىلمەي, قازاقستان رەسپۋبليكاسىنىڭ ۇكىمەتى ايقىندايتىن تارتىپپەن قابىلدانادى.

5. قازاقستان رەسپۋبليكاسى ازاماتتارىنىڭ قازاقستان رەسپۋبليكاسىنان باسقا مەملەكەتتەرگە تۇراقتى تۇرعىلىقتى جەرگە كەتۋىمەن بايلانىستى شىعىنداردى قارجىلاندىرۋ كەتۋشىلەردىڭ ءوز قاراجاتى ەسەبىنەن جۇزەگە اسىرىلادى, سونداي-اق, ەگەر بۇل قازاقستان رەسپۋبليكاسىنىڭ زاڭناماسىنا قايشى كەلمەسە, باسقا دا كوزدەردەن جۇزەگە اسىرىلۋى مۇمكىن.

6. قازاقستان رەسپۋبليكاسىنان باسقا مەملەكەتكە تۇراقتى تۇرعىلىقتى جەرگە كەتەتىن قازاقستان رەسپۋبليكاسىنىڭ ازاماتتارى قازاقستان رەسپۋبليكاسىنىڭ زاڭناماسىنا سايكەس وزدەرىنە جانە وزدەرىنىڭ وتباسى مۇشەلەرىنە مەنشىك قۇقىعىمەن تيەسىلى م ۇلىكتى ءوز قاراجاتى ەسەبىنەن اكەتۋگە قۇقىلى.

7. ازاماتتاردىڭ مەملەكەت ءۇشىن مادەني, تاريحي نەمەسە وزگە دە قۇندىلىعى بار زاتتاردى قازاقستان رەسپۋبليكاسىنىڭ شەگىنەن تىس اكەتۋى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن رەتتەلەدى.

8. قازاقستان رەسپۋبليكاسىنان باسقا مەملەكەتتەرگە تۇراقتى تۇرعىلىقتى جەرىنە كەتكەن ادامداردىڭ قازاقستان رەسپۋبليكاسىنىڭ اۋماعىنداعى م ۇلىككە قۇقىعى قازاقستان رەسپۋبليكاسىنىڭ زاڭناماسىندا ايقىندالادى.

ەسكەرتۋ. 55-باپقا وزگەرىس ەنگىزىلدى — قر 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى) زاڭىمەن.

56-باپ. قازاقستان رەسپۋبليكاسىنىڭ ازاماتىنا ەلدەن تۇراقتى تۇرعىلىقتى جەرىنە كەتۋگە رۇقسات بەرۋدەن باس تارتۋ ءۇشىن نەگىزدەر قازاقستان رەسپۋبليكاسىنىڭ ازاماتىنا مىناداي جاعدايلاردا, ەگەر ول:

1) مەملەكەتتىك جانە زاڭمەن قورعالاتىن وزگە دە قۇپيانى قۇرايتىن مالىمەتتەردى بىلەتىن بولسا جانە ءوزىنىڭ قازاقستان رەسپۋبليكاسىنىڭ شەگىنەن تىس جەرگە كەتۋ فاكتىسى تۋرالى ءتيىستى ۋاكىلەتتى ورگانداردى حاباردار ەتپەگەن بولسا – وسى ءمان-جايلاردىڭ قولدانىلۋى توقتاتىلعانعا دەيىن;

2) قىلمىستىق قۇقىق بۇزۋشىلىق جاسادى دەگەن كۇدىكپەن ۇستاپ الىنعان نە كۇدىكتى, ايىپتالۋشى رەتىندە جاۋاپقا تارتىلعان بولسا, نە وعان قاتىستى كۇدىكتىنىڭ ءىس-ارەكەتىن سارالاۋ تۋرالى قاۋلى شىعارىلسا — ءىس بويىنشا شەشىم شىعارىلعانعا نەمەسە سوت ۇكىمى زاڭدى كۇشىنە ەنگەنگە دەيىن;

3) قىلمىس جاساعانى ءۇشىن سوتتالعان بولسا – جازاسىن وتەگەنگە دەيىن نەمەسە جازادان بوساتىلعانعا دەيىن;

4) وزىنە سوت جۇكتەگەن مىندەتتەمەلەردى ورىنداۋدان جالتارعان بولسا – وسى ءمان-جايلار توقتاتىلعانعا دەيىن;

5) مەرزىمدى اسكەري قىزمەتىن وتكەرىپ جۇرگەن بولسا – وسى قىزمەتتى وتكەرۋ اياقتالعانعا دەيىن نەمەسە «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» قازاقستان رەسپۋبليكاسىنىڭ زاڭىنا سايكەس ودان بوساتىلعانعا دەيىن;

6) قازاقستان رەسپۋبليكاسىنان كەتۋ ءۇشىن قۇجاتتاردى رەسىمدەۋ كەزىندە ءوزى تۋرالى كورىنەۋ جالعان دەرەكتەردى حابارلاعان بولسا – باس تارتۋعا جانە بەرۋگە نەگىز بولعان سەبەپتەر جويىلعانعا دەيىن جانە دايەكتى دەرەكتەردى ۇسىنعانعا دەيىن;

7) ازاماتتىق سوت ءىسىن جۇرگىزۋدە جاۋاپكەر بولىپ تابىلسا – سوت ۇكىمى زاڭدى كۇشىنە ەنگەنگە دەيىن قازاقستان رەسپۋبليكاسىنان تۇراقتى تۇرعىلىقتى جەرىنە كەتۋگە رۇقسات بەرۋدەن ۋاقىتشا باس تارتىلادى. قازاقستان رەسپۋبليكاسى ازاماتىنىڭ سالىق بەرەشەگى بولعان جاعدايدا, وعان قازاقستان رەسپۋبليكاسىنىڭ شەگىنەن تىس تۇراقتى تۇرعىلىقتى جەرگە كەتۋگە رۇقسات بەرۋدەن باس تارتىلادى. قازاقستان رەسپۋبليكاسىنان تۇراقتى تۇرعىلىقتى جەرگە كەتۋ قۇقىعىن شەكتەۋدىڭ بارلىق جاعدايلارىندا ىشكى ىستەر ورگاندارى قازاقستان رەسپۋبليكاسىنىڭ ازاماتىنا حابارلاما بەرەدى, وندا شەكتەۋدىڭ نەگىزدەمەسى مەن مەرزىمى جانە وسى شەشىمگە شاعىمدانۋدىڭ ءتارتىبى كورسەتىلەدى..

ەسكەرتۋ. 56-باپقا وزگەرىس ەنگىزىلدى — قر 2012.02.16 № 562-IV (العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى), 13.06.2013 № 102-V (العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى); 04.07.2014 № 233-V (01.01.2015 باستاپ قولدانىسقا ەنگىزىلەدى) زاڭدارىمەن.

57-باپ. قازاقستان رەسپۋبليكاسىنىڭ شەگىنەن تىس جەرگە بارعان قازاقستان رەسپۋبليكاسى ازاماتتارىنىڭ قۇقىقتارى مەن مىندەتتەرى قازاقستان رەسپۋبليكاسىنىڭ شەگىنەن تىس جەرگە بارعان قازاقستان رەسپۋبليكاسى ازاماتتارىنىڭ بارلىق قۇقىقتارى مەن بوستاندىقتارى بار, سونداي-اق ولار كونستيتۋتسيادا, زاڭداردا جانە قازاقستان رەسپۋبليكاسى راتيفيكاتسيالاعان حالىقارالىق شارتتاردا بەلگىلەنگەن مىندەتتەردى اتقارادى. قازاقستان رەسپۋبليكاسى ءوز ازاماتتارىن ودان تىس جەردە قورعاۋعا جانە ولارعا سۇيەۋ بولۋعا كەپىلدىك بەرەدى. 58-باپ. زاڭسىز كوشىپ كەلۋدىڭ الدىن الۋ جانە قۇقىقتىق مارتەبەسى رەتتەلمەگەن كوشىپ كەلۋشىلەردى زاڭداستىرۋ شارالارى.

1. كوشىپ كەلۋشىلەردىڭ قازاقستان رەسپۋبليكاسىنىڭ اۋماعىنا كەلۋى, ولار كەلۋ, كەتۋ, بولۋ جانە ترانزيتتىك جول ءجۇرۋ ءتارتىبىن رەتتەيتىن قازاقستان رەسپۋبليكاسى زاڭناماسىنىڭ, سونداي-اق قازاقستان رەسپۋبليكاسى راتيفيكاتسيالاعان حالىقارالىق شارتتاردىڭ تالاپتارىن ورىنداعان جاعدايدا مۇمكىن بولادى.

2. ۋاكىلەتتى مەملەكەتتىك ورگاندار كوشى-قون باقىلاۋىن, سونداي-اق قازاقستان رەسپۋبليكاسىنىڭ مەملەكەتتىك شەكاراسىنان زاڭسىز وتەتىن, قازاقستان رەسپۋبليكاسىنىڭ اۋماعىندا زاڭسىز بولاتىن شەتەلدىكتەر مەن ازاماتتىعى جوق ادامداردىڭ, سونداي-اق قازاقستان رەسپۋبليكاسىنىڭ اۋماعىنا كەلۋگە تىيىم سالىنعان ادامداردىڭ ەسەبىن جۇرگىزۋدى قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جۇزەگە اسىرادى.