حقكو قىزمەتكەرى تۇرعىنداردان 180 ملن تەڭگە الداپ العان

فوتو: اشىق دەرەككوز

وبلىستىق سوتتىڭ رەسمي سايتىنداعى مالىمەتكە سەنسەك, سوتتالۋشى ا-عا قىلمىستىق كودەكستىڭ 190-بابى 4-بولىگىنىڭ 2) تارماعى بويىنشا (سەنىمدى تەرىس پايدالانۋ جولىمەن, الداپ, بىرنەشە رەت اسا iرi مولشەردە بوتەننىڭ مۇلكىن جىمقىرۋمەن الاياقتىق جاساۋ) ايىپ تاعىلعان, – دەپ جازادى qandastar.kz nege.kz-كە سىلتەمە جاساپ.

سوت پروتسەسى كەزىندە شىمكەنت قالاسىنىڭ حالىققا قىزمەت كورسەتۋ ورتالىعىندا باس مامان قىزمەتىن اتقارعان سوتتالۋشىنىڭ بىرنەشە ازاماتقا قارسى الاياقتىق جاساعانى انىقتالعان.

ول 2022 جىلى جابىرلەنۋشى ك ەسىمدى ادامعا الاڭى 20,08 گا جەر ۋچاسكەسىن جەكەشەلەندىرىپ بەرۋ, سول جەردەن تەستىلەۋ ورتالىعىن اشىپ, بىرگە جۇمىس ىستەۋ, مەملەكەتتىك باعدارلامالار بويىنشا ارزان پاتەر الىپ بەرۋ تۋرالى ۋادەلەر ايتىپ, 113 ملن تەڭگە العان.

قالعان 14 جابىرلەنۋشىدەن مەملەكەتتىك باعدارلامالار بويىنشا پاتەر الىپ بەرەتىنىن ايتىپ, 71 ملن 356 مىڭ تەڭگە العان.

سوت ونىڭ ءوز كىناسىن ءىشىنارا مويىنداعانىن, شىن نيەتپەن وكىنبەگەنىن, 179 ملن تەڭگەدەن اساتىن زالال وندىرىلمەگەنىن جانە جابىرلەنۋشىلەردىڭ كەشىرىم بەرمەگەنىن ەسكەرىپ, 6 (التى) جىل 8 (سەگىز) اي مەرزىمگە باس بوستاندىعىنان ايىرۋ جازاسىن تاعايىندادى.

سوت ۇكىمى زاڭدى كۇشىنە ەنگەن جوق.