Ilon Mask Reseıden saıası baspana surady – Reseı SIM ótinish alǵanyn rastady

AQSh-tyń áıgili kásipkeri ári mıllıarderi Ilon Mask Reseıden saıası baspana surady. Bul týraly RF Memlekettik Dýmasy tóraǵasynyń orynbasary Vladıslav Davankov NEWS.ru basylymyna málimdegen, dep habarlaıdy Qandastar.kz aqparat portaly. Onyń aıtýynsha, qazir Syrtqy ister mınıstrligi Masktiń ótinishin qarap jatyr, al jaýap bir aıdyń ishinde berilmek.

«Ilon Mask keı tusta qatelik jibergen shyǵar, biraq ondaı qatelikterdi keshirýge bolady dep oılaımyn. Eger bári sátsiz bolsa, biz ony árqashan qabyldaýǵa daıynbyz. Tehnologııalyq turǵydan da, bolashaqqa kózqarasy jaǵynan da ol – keremet adam», dedi Davankov Sankt-Peterbýrg halyqaralyq ekonomıkalyq forýmynda sóılegen sózinde.

Ilon Mask bul aqparatqa qatysty ázirge eshqandaı resmı pikir bildirgen joq.

Buǵan deıin ol X (burynǵy Twitter) áleýmettik jelisinde Reseı Qaýipsizdik keńesi tóraǵasynyń orynbasary Dmıtrıı Medvedevtiń ázilin baǵalap, óziniń AQSh-tyń burynǵy prezıdenti Donald Tramppen «Starlink akııalary úshin» tatýlasýǵa daıyn ekenin meńzegen jazbasyna jaýap bergen edi.

Sondaı-aq, Mask buǵan deıin Iran aýmaǵynda Starlink spýtnıktik ınternetin iske qosqanyn habarlaǵan bolatyn.