Ilon Mask Trampqa ımpıchment jarııalaý ıdeıasyna qoldaý bildirdi

Foto: ashyq derekkózden

Tanymal amerıkalyq kásipker, SpaceX jáne Tesla kompanııalarynyń negizin qalaýshy Ilon Mask AQSh prezıdenti Donald Trampqa ımpıchment jarııalaý jáne ony vıe-prezıdent Dj.D. Venske aýystyrý ıdeıasyn qoldady. Bul usynysty áleýmettik jelide bloger Ian Maılz Chong kótergen bolatyn, dep habarlaıdy Qandastar.kz aqparat portaly. 

Mask Chongtyń jarııalanymyna X (burynǵy Twitter) áleýmettik jelisinde qysqa ǵana “IÁ” dep jaýap berip, bul usynysqa qoldaý bildirdi.

Buǵan deıin Tramp Truth Social platformasynda Masktyń kompanııalarymen jasalǵan memlekettik kelisimsharttardy buzý jáne oǵan beriletin sýbsıdııalardy joıý arqyly memlekettik bıýdjetten mıllıardtaǵan dollar únemdeýge bolatynyn málimdegen edi.

Prezıdenttiń meniń memlekettik kelisimsharttarymnyń kúshin joıý týraly málimdemesin eskere otyryp, SpaceX óziniń Dragon ǵarysh apparattaryn dereý toqtata bastaıdy, – dep jaýap berdi Mask Tramptyń bul málimdemesine.

Aıta keteıik, dál osy Dragon kemeleri AQSh-tyń Halyqaralyq ǵarysh stansasyna (HǴS) astronavtar men júk jetkizý baǵdarlamasynyń mańyzdy bóligi bolyp tabylady.

Sońǵy ýaqytta Ilon Mask Aq úı ákimshiligimen kelispeýshilikterin ashyq bildirip keledi. Ol 1 maýsymda óziniń qazirgi saıasatpen «eshbir baǵytta kelispeıtinin» ashyq jazǵan bolatyn.