الەم جاڭالىقتارى
يلون ماسكتىڭ اناسى قازاقستانعا كەلىپ تۇساۋ كەستى
فوتو:kyiv24.news
ايگىلى بيزنەسمەن, ينجەنەر, ميللياردەر يلون ماسكتىڭ اناسى مەي ماسك قازاقستانعا كەلىپ تۇساۋ كەستى, دەپ حابارلايدى qandastar.kz Ulysmedia.kz-كە سىلتەمە جاساپ.
مەي ماسكتىڭ قازاقستانعا كەلگەنىن الماتى قالالىق ءماسليحاتىنىڭ دەپۋتاتى قاراشاش جۇزەەۆا جەلىدەگى پاراقشاسىندا جاريالادى. ول الماتىدا وتكەن ورتالىق ازيا ايەلدەرىنىڭ فورۋمىنا كەلگەن.
ايگىلى يلون ماسكتىڭ اناسى مەي قازاقستانعا قۇر كەلىپ قانا قويماي, قازاقتىڭ سالت-داستۇرىنە كۋا بولىپ ءوزى دە سوعان قاتىستى. ناقتىراق ايتقاندا مەي ماسك تۇساۋ كەسىپ, ءبۇلدىرشىننىڭ العاشقى قادامىنا سەبەپكەر بولدى.
ءبۇلدىرشىننىڭ وتباسى دا مەي ماسكتى قۇر قول جىبەرمەي شاپان جاۋىپ, ساۋساعىنا جۇزىك تاققان.
مەي ماسك — كانادالىق جانە وڭتۇستىك افريكالىق مودەل. ءۇش بالانىڭ اناسى: ۇلدارى يلون ماسك, كيمبال ماسك جانە قىزى توسكا ماسك. ول 50 جىل بويى مودەل رەتىندە جۇمىس ىستەدى, “Time” سياقتى تانىمال جۋرنالداردىڭ مۇقابالارىندا كورىنگەن.
مودەلدىك مانسابىمەن قاتار, مەي ماسك ديەتولوگيا سالاسىندا دا بەلسەندى قىزمەت اتقاردى. ديەتولوگ رەتىندە كاناداداعى بارلىق پروۆينتسيالاردا جانە اقش-تىڭ 39 شتاتىندا لەكتسيا وقىعان.
يلون ماسك — امەريكالىق كاسىپكەر, ينجەنەر جانە ميللياردەر. SpaceX كومپانياسىنىڭ نەگىزىن قالاۋشى, باس اتقارۋشى ديرەكتورى جانە باس ينجەنەرى; Tesla كومپانياسىنىڭ ينۆەستورى, باس اتقارۋشى ديرەكتورى جانە ءونىم ارحيتەكتورى; The Boring Company كومپانياسىنىڭ نەگىزىن قالاۋشى; Neuralink جانە OpenAI كومپانيالارىنىڭ تەڭ قۇرىلتايشىسى, سونداي-اق Twitter (قازىرگى X) يەسى.
2021 جىلدىڭ 7 قاڭتارىندا ونىڭ بايلىعى 185 ميلليارد دوللارعا جەتىپ, Amazon كومپانياسىنىڭ نەگىزىن قالاۋشى دجەفف بەزوستى الەمدەگى ەڭ باي ادام ءتىزىمىنىڭ كوشباسشىلىعىنان ىعىستىردى.
2021 جىلدىڭ 1 قاراشاسىندا ماسك تاريحتا العاش رەت بايلىعى 300 ميلليارد دوللارعا جەتكەن ادام بولدى
