Ilon Masktyń anasy Qazaqstanǵa kelip tusaý kesti

Foto:kyiv24.news

Áıgili bıznesmen, ınjener, mıllıarder Ilon Masktiń anasy Meı Mask Qazaqstanǵa kelip tusaý kesti, dep habarlaıdy qandastar.kz Ulysmedia.kz-ke silteme jasap.

Meı Masktiń Qazaqstanǵa kelgenin Almaty qalalyq máslıhatynyń depýtaty Qarashash Júzeeva jelidegi paraqshasynda jarııalady. Ol Almatyda ótken Ortalyq Azııa áıelderiniń forýmyna kelgen.

Áıgili Ilon Masktiń anasy Meı Qazaqstanǵa qur kelip qana qoımaı, qazaqtyń salt-dástúrine kýá bolyp ózi de soǵan qatysty. Naqtyraq aıtqanda Meı Mask tusaý kesip, búldirshinniń alǵashqy qadamyna sebepker boldy.

Búldirshinniń otbasy da Meı Maskti qur qol jibermeı shapan jaýyp, saýsaǵyna júzik taqqan.

Meı Mask — kanadalyq jáne ońtústik afrıkalyq model. Úsh balanyń anasy: uldary Ilon Mask, Kımbal Mask jáne qyzy Toska Mask. Ol 50 jyl boıy model retinde jumys istedi, “Time” sııaqty tanymal jýrnaldardyń muqabalarynda kóringen.

Modeldik mansabymen qatar, Meı Mask dıetologııa salasynda da belsendi qyzmet atqardy. Dıetolog retinde Kanadadaǵy barlyq provınııalarda jáne AQSh-tyń 39 shtatynda lekııa oqyǵan.

Ilon Mask — amerıkalyq kásipker, ınjener jáne mıllıarder. SpaceX kompanııasynyń negizin qalaýshy, bas atqarýshy dırektory jáne bas ınjeneri; Tesla kompanııasynyń ınvestory, bas atqarýshy dırektory jáne ónim arhıtektory; The Boring Company kompanııasynyń negizin qalaýshy; Neuralink jáne OpenAI kompanııalarynyń teń quryltaıshysy, sondaı-aq Twitter (qazirgi X) ıesi.

2021 jyldyń 7 qańtarynda onyń baılyǵy 185 mıllıard dollarǵa jetip, Amazon kompanııasynyń negizin qalaýshy Djeff Bezosty álemdegi eń baı adam tiziminiń kóshbasshylyǵynan yǵystyrdy.

2021 jyldyń 1 qarashasynda Mask tarıhta alǵash ret baılyǵy 300 mıllıard dollarǵa jetken adam boldy