ينسۋلت پەن پىشاق جاراقاتى: اقتاۋداعى اۋقىمدى كونتسەرتتە سۇمدىق جاعداي بولدى

فوتو: اشىق دەرەككوز

ماڭعىستاۋ وبلىستىق جەدەل مەديتسينالىق جاردەم ستانتسياسى «اقتاۋ – تۇركى الەمىنىڭ مادەني استاناسى» اتتى اۋقىمدى مەرەكە كەزىندە ناۋرىز الاڭىنان قانشا شاقىرتۋ تۇسكەنى تۋرالى مالىمەت بەردى, دەپ حابارلايدى qandastar.kz Lada.kzجەرگىلىكتى باسىلىمىنا سىلتەمە جاساپ.

ستانتسيا باسشىلىعىنىڭ ايتۋىنشا, مەرەكە كەزىندە ناۋرىز الاڭىندا جەدەل جاردەم قىزمەتكەرلەرى 41 ادامعا كومەك كورسەتكەن.

“نەگىزىنەن, ەسىنەن تانۋ جاعدايلارى تىركەلدى. سونىمەن قاتار ءبىر پىشاق جاراقاتى, ءبىر ينسۋلت جانە جۇرەك ىرعاعىنىڭ بۇزىلۋى بولدى”, – دەپ مالىمدەدى مەديتسينالىق مەكەمە وكىلدەرى.

ايتا كەتەيىك, شارانى 100 مىڭنان استام كورەرمەن تاماشالادى. اقتاۋدىڭ اسپانىن 600 درون جارىق شوۋىمەن بەزەندىردى.

مەرەكەنىڭ باستى قوناعى رەتىندە ديماش قۇدايبەرگەندى جەرگىلىكتى تۇرعىندار مەن قالا قوناقتارى ەرەكشە كۇتكەن.