الەم جاڭالىقتارى
يران–يزرايل قاقتىعىسى: قازاقستاندىق اۋە كومپانيالارىنىڭ 6 ەلدىڭ ۇستىنەن ۇشۋىنا تىيىم سالىندى
فوتو: depositphotos.com
قازاقستاندىق اۋە كومپانيالارىنىڭ تاياۋ شىعىستاعى 6 ەلدىڭ اۋە كەڭىستىگىنىڭ ۇستىنەن, ىشىندە جانە ماڭايىندا ۇشۋىنا تىيىم سالىندى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ازاماتتىق اۆياتسيا كوميتەتىنىڭ حابارلاۋىنشا, بۇل تىيىم يران, يزرايل, سيريا, يراك, يوردانيا جانە ليۆان ەلدەرىنە قاتىستى. بۇل شەشىم تاياۋ شىعىستاعى سوعىس قيمىلدارىنىڭ باستالۋىنا جانە ازاماتتىق اۆياتسيا قاۋىپسىزدىگىنە جوعارى قاۋىپ ءتونىپ وتىرعانىنا بايلانىستى قابىلدانعان.
«اتالعان نۇسقاۋلىق قازاقستاننىڭ بارلىق تۇراقتى جانە تۇراقسىز جولاۋشى, جۇك جانە تەحنيكالىق رەيستەرىنە قاتىستى. بۇل نۇسقاۋلىق قابىلدانعان ساتتەن باستاپ كۇشىنە ەنەدى جانە مىندەتتى تۇردە ورىندالۋى ءتيىس. بەلگىلەنگەن ايماقتاعى جاعداي وزگەرگەن جاعدايدا, قازاقستاننىڭ اۆياتسيالىق اكىمشىلىگىنىڭ اۆياتسيالىق قاۋىپسىزدىك دەپارتامەنتى قوسىمشا اقپارات بەرەدى», – دەلىنگەن ازاماتتىق اۆياتسيا كوميتەتىنىڭ حابارلاماسىندا.
ەسكە سالساق, بۇعان دەيىن يزرايل يرانعا اۋەدەن سوققى جاساعانى تۋرالى جازعان ەدىك. تاياۋ شىعىستاعى جاعدايدىڭ ۋشىعۋىنا بايلانىستى قازاقستاننىڭ يزرايلدەگى ەلشىلىگى ارنايى ۇندەۋ جاريالادى.
