Iran–Izraıl qaqtyǵysy: Qazaqstandyq áýe kompanııalarynyń 6 eldiń ústinen ushýyna tyıym salyndy

Foto: depositphotos.com

Qazaqstandyq áýe kompanııalarynyń Taıaý Shyǵystaǵy 6 eldiń áýe keńistiginiń ústinen, ishinde jáne mańaıynda ushýyna tyıym salyndy, dep jazdy qandastar.kz

Bul týraly Stan.kz aqparat agenttigi habarlaıdy.
Azamattyq avıaııa komıtetiniń habarlaýynsha, bul tyıym Iran, Izraıl, Sırııa, Irak, Iordanııa jáne Lıvan elderine qatysty. Bul sheshim Taıaý Shyǵystaǵy soǵys qımyldarynyń bastalýyna jáne azamattyq avıaııa qaýipsizdigine joǵary qaýip tónip otyrǵanyna baılanysty qabyldanǵan.

«Atalǵan nusqaýlyq Qazaqstannyń barlyq turaqty jáne turaqsyz jolaýshy, júk jáne tehnıkalyq reısterine qatysty. Bul nusqaýlyq qabyldanǵan sátten bastap kúshine enedi jáne mindetti túrde oryndalýy tıis. Belgilengen aımaqtaǵy jaǵdaı ózgergen jaǵdaıda, Qazaqstannyń avıaııalyq ákimshiliginiń avıaııalyq qaýipsizdik departamenti qosymsha aqparat beredi», – delingen azamattyq avıaııa komıtetiniń habarlamasynda.

Eske salsaq, buǵan deıin Izraıl Iranǵa áýeden soqqy jasaǵany týraly jazǵan edik. Taıaý Shyǵystaǵy jaǵdaıdyń ýshyǵýyna baılanysty Qazaqstannyń Izraıldegi elshiligi arnaıy úndeý jarııalady.