يران پرەزيدەنتى حيدجابقا قاتىستى زاڭ جوباسىنا ۆەتو قويدى

فوتو:Ebrahim Noroozi

يران پرەزيدەنتى حيدجابقا قاتىستى زاڭ جوباسىنا ۆەتو قويدى, دەپ جازدى qandastar.kz

تەگەران ايەلدەردىڭ قوعامدىق ورىنداردا حيدجاب كيۋىن مىندەتتەيتىن زاڭ ەنگىزۋ پروتسەسىن توقتاتتى. ورانىپ جۇرۋدەن باس تارتقان قىز-كەلىنشەكتەرگە قازىردىڭ وزىندە ايىپپۇل سالىنىپ, ولاردى پوليتسيا ۇستاپ جاتىر. ال جاڭا زاڭدا كيىم ۇلگىسىن ساقتامايتىندار ءۇشىن جازا ءتىپتى قاتاڭداتىلعان.

پارلامەنتتىڭ حيدجاب ماسەلەسىندە ەرەجەلەردى كۇشەيتۋ باستاماسىن پرەزيدەنت ماسۋد پەزەشكيان قولداماي, ۆەتو قۇقىعىن پايدالاندى. بيلىك جاڭا زاڭنىڭ قابىلدانۋى قوعامداعى نارازىلىقتى ودان ءارى ءورشىتىپ جىبەرۋى مۇمكىن دەپ سەسكەنىپ وتىر. ايتا كەتەتىنى, 1979 جىلعى يسلام رەۆوليۋتسياسىنان باستاپ يران ايەلدەرى كوپشىلىك الدىنا شىققاندا ورامال تاعۋعا مىندەتتى.