Irannyń rýhanı kósemi aýysýy múmkin

Irannyń rýhanı kósemi aıatolla Álı Hameneı 25 kúnnen beri halyq aldyna shyqpady. Osy ýaqyt ishinde ol vıdeo arqyly halyqqa eki ret qana úndeý jasady, dep habarlaıdy Qandastar.kz saıty BILD-ke silteme jasap. 

Iranda aıatollanyń aýyr syrqaty, tipti onyń ólimi týraly túrli qaýeset aıtylyp jatyr. Al sarapshylar ony jaı ǵana býnkerden shyqpaı jatyr deıdi.

BILD habarlaýynsha, Iran basshysy Izraıl 13 maýsymda soqqy jasaı bastaǵannan-aq jerasty baspanasyna tyǵylǵan. Qazir Qatar deldaldyǵymen atysty ýaqytsha toqtatý kelisimi kúshine enip otyr.

«On eki kúndik soǵys is júzinde Hameneıden keıingi dáýirdiń bastalýyn belgiledi. Iran qazirdiń ózinde murager izdep jatyr. Hameneıdiń óz qyzmetin atqarýǵa budan bylaı fızıkalyq jáne psıhologııalyq múmkindigi joq – bul soǵys basynan beri solaı edi», – dedi ırandyq saıasattanýshy Álı Fatholla-Nejad.