جاڭالىقتار
ىشكى ىستەر مينيسترلىگى ماڭىزدى حابارلاندىرۋ جاسادى
فوتو: gov.kz
ءىىم ەسىرتكى قىلمىسىنا قارسى ءىس-قيمىل كوميتەتى ازاماتتارعا ۇندەۋ جاسادى, دەپ حابارلايدى qandastar.kz
– قۇرمەتتى ازاماتتار! جاڭا تۇردەگى ەسىرتكى قاۋىپتەرىنىڭ تەز تارالۋى مەن جاستاردى زاڭسىز ەسىرتكى اينالىمىنا تارتۋدا تسيفرلىق ارنالاردىڭ قولدانىلۋىنا بايلانىستى ءبىز قوعام رەتىندە بالالارىمىزدى, جاقىندارىمىزدى جانە ەلىمىزدىڭ بولاشاعىن قورعاۋ ءۇشىن كۇشىمىزدى بىرىكتىرۋىمىز قاجەت.
ءىىم ەسىرتكى قىلمىسىنا قارسى ءىس-قيمىل كوميتەتى ەسىرتكى قىلمىستارىن, اسىرەسە كامەلەتكە تولماعانداردى تارتۋ جاعدايلارىن انىقتاۋ, جولىن كەسۋ جانە الدىن الۋ باعىتىندا بار كۇش-جىگەرىن سالىپ جۇمىس جۇرگىزۋدە. الايدا بۇل ماسەلەنى تەك قۇقىق قورعاۋ ورگاندارىنىڭ كۇشىمەن شەشۋ مۇمكىن ەمەس.
سىزدەردى بەي-جاي قالماۋعا شاقىرامىز. بالالار مەن جاسوسپىرىمدەردىڭ مىنەز-قۇلقىنداعى وزگەرىستەرگە نازار اۋدارىڭىزدار. زاڭسىز ساتۋ بويىنشا كۇدىك تۋدىراتىن ينتەرنەت-رەسۋرستارعا, گراففيتي مەن كودتارى بار جارنامالارعا ءمان بەرىڭىزدەر.
