Ishki ister mınıstrligi mańyzdy málimdeme jasady

Foto: IIM

Qazaqstannyń Ishki ister mınıstrligi quqyq tártibin jáne kez kelgen zań buzýshylyqtar úshin jazanyń bultartpastyǵyn qamtamasyz etý boıynsha sharalardy kúsheıtti, dep jazady qandastar.kz

Vedomstvo basshysy, Ishki ister mınıstrliginiń resmı ókili Shyńǵys Álekeshev atap ótkendeı, vedomstvonyń basty ustanymy – zańdylyq.

«IIM ózindik qaýipsizdik departamenti jedel basqarý ortalyqtary men patrýldik qyzmettiń jumysyn belsendi qadaǵalaýda. Jedel basqarý ortalyqtary patrýldik polıeılerdiń jumysyn táýlik boıy baqylaýda ustaıdy. Qyzmetkerler ózdigimen sóndire almaıtyn «smartjetondarmen» jabdyqtalǵan. Bul qurylǵylar belgilengen talaptardan aýytqýǵa múmkindik bermeıdi, barlyq áreketter únemi jazylyp otyrady», – dedi Shyńǵys Álekeshev.

Sonymen qatar, onyń aıtýynsha, jasandy ıntellektpen biriktirilgen beınebaqylaý kameralarynan alynǵan derekterdi taldaıtyn júıe qoldanylady. Bul kez kelgen buzýshylyqtardy anyqtaýǵa jáne olarǵa jedel áreket etýge múmkindik beredi.

«Polıııanyń jumysy árbir zań buzýshyny onyń mártebesi men laýazymyna qaramastan tıisti jaýapkershilikke tartýǵa baǵyttalǵan. Eshkimge eshqandaı artyqshylyq berilmeıdi. Patrýldik polıeıler zań talaptaryn qatań túrde saqtaıtynyn atap ótkim keledi. Olardyń tarapynan kez kelgen zańsyz áreketter úshin sáıkesinshe jaýapkershilik kózdelgen. Biz azamattardy zańdy saqtaýǵa, polıeılerdiń zańdy talaptaryn oryndaýǵa, laýazymdy tulǵalarǵa para usyný áreketterine barmaýǵa shaqyramyz», – dedi Shyńǵys Álekeshev.

IIM jáne Sybaılas jemqorlyqqa qarsy qyzmet arasynda tıisti memorandýmǵa qol qoıylǵanyn eske salamyn. Onyń aıasynda jemqorlyqpen kúres odan ári nyǵaıa túspek, dep atap ótti Alekeshev.

«Eger siz qyzmetkerlerdiń ádepsiz is-áreketteriniń kýási bolsańyz, dereý IIM ózindik qaýipsizdik departamentine nemese 1402 senim telefonyna habarlasyńyz. Tek birlese jumys isteı otyryp, biz qoǵamda qaýipsizdikti, quqyqtyq tártipti jáne ádilettikti qamtamasyz ete alamyz», – dedi departament bastyǵy – IIM resmı ókili Shyńǵys Alekeshev.