الەم جاڭالىقتارىجاڭالىقتار
يسپانيادا قولعا تۇسپەي جۇرگەن قىلمىسكەر ۇستالدى
يسپانيانىڭ ۇلتتىق پوليتسياسى ۆەنگريا بيلىگى 15 باپ بويىنشا, ياعني الاياقتىق جانە قۇجاتتاردى قولدان جاساۋ ايىپتارىمەن ىزدەۋ جاريالاعان ەر ادامدى ۇستادى, دەپ حابارلادى Qandastar.kz.
بۇل تۋرالى يسپانيا قۇقىق قورعاۋ ورگاندارىنىڭ ءباسپاسوز حابارلاماسىندا ايتىلعان.
پوليتسيا مالىمەتىنشە, كۇدىكتىگە 22 جىلدان استام مەرزىمگە باس بوستاندىعىنان ايىرۋ قاۋپى ءتونىپ تۇر. ول ەۋروپالىق پوليتسيا اگەنتتىگىنىڭ ەڭ ىزدەۋدە جۇرگەن قىلمىسكەرلەرى تىزىمىنە ەنگىزىلگەن.
تەرگەۋ نۇسقاسى بويىنشا, 2019 جىلى كۇدىكتى قىمبات ماتەريالدار مەن زاتتاردى تاسىمالداۋمەن اينالىساتىن لوگيستيكالىق كومپانيا قۇرعان. ول اتالعان تاۋارلاردى زاڭسىز يەمدەنىپ, كەيىننەن پايدا تابۋ ماقساتىندا ساتىپ وتىرعان. پوليتسيا كەلتىرىلگەن ەكونوميكالىق شىعىندى 1, 2 ملن ەۋرو دەپ باعالادى.
