يزرايل مەن سيريا اتىستى توقتاتۋ تۋرالى كەلىسىمگە كەلدى

فوتو: ۆيدەودان الىنعان كادر

يزرايل مەن سيريا اتىستى توقتاتۋ تۋرالى كەلىسىمگە كەلگەنىن جازدى جۇما كۇنى اقش-تىڭ تۇركياداعى وكىلى توم باراك X الەۋمەتتىك جەلىسىندە, دەپ حابارلايدى Qandastar.kz. 

يزرايل پرەمەر-ءمينيسترى بينيامين نەتانياحۋ مەن سيريانىڭ ۋاقىتشا پرەزيدەنتى احمەد اش-شاراا امەريكالىق تاراپتىڭ قولداۋىمەن اتىستى توقتاتۋ رەجيمىن ەنگىزۋگە كەلىستى.

يزرايل پرەمەر-ءمينيسترى… جانە سيريا پرەزيدەنتى… اقش مەملەكەتتىك حاتشىسى ماركو رۋبيونىڭ قولداۋىمەن اتىستى توقتاتۋ تۋرالى كەلىسىمگە كەلدى, — دەلىنگەن حابارلامادا.

بۇل شەشىمدى تۇركيا, يوردانيا جانە ونىڭ كورشىلەرى قولدادى. بۇعان دەيىن تۇركيا پارلامەنتى ءيزرايلدىڭ سيرياعا جاساعان شابۋىلدارىن ايىپتاپ, رەسمي داماسك پەن بەيبىت تۇرعىنداردى قولدايتىنىن ايتقان بولاتىن.

15 شىلدەدە سيريا ۇكىمەتى بىرنەشە كۇننەن بەرى بەدۋين جاساقتارى مەن درۋز قارۋلى توپتارى اراسىندا اۋقىمدى قاقتىعىستار بولىپ جاتقان وڭتۇستىكتەگى اس-سۋۆەيدا پروۆينتسياسىنا اسكەر جىبەردى. سيرياداعى ادام قۇقىقتارىن باقىلاۋ ورتالىعى كەم دەگەندە 102 ادامنىڭ قازا تاپقانىن حابارلادى. سونىمەن قاتار, يزرايل سيريا قارۋلى كۇشتەرىنىڭ باس شتابىنا سوققى بەردى.