«قاي بازاردا ساتىلادى»: چەرچەسوۆ «جەڭىمپاز رۋحى» تۋرالى ساۋالدى دۇرىس تۇسىنبەدى

فوتو: قازاقستان فۋتبول فەدەراتسياسى

سلوۆەنيا مەن نورۆەگيا قۇرامالارى اراسىنداعى ويىننىڭ الدىندا ەكى ەلدىڭ باپكەرلەرى ءباسپاسوز ءماجىلىسىن وتكىزدى. قازاقستان قۇراماسىن جاتتىقتىراتىن ستانيسلاۆ چەرچەسوۆكە «ءبىرىنشى بول» رەزيدەنتى ولجاس بايبوسىن ساۋال قويدى.

«كەشە نورۆەگيامەن تەڭ تۇستىك. وسى ناتيجەگە قۋانىپ جاتىرمىز. بۇل قانشالىقتى دۇرىس? الەم نەمەسە ەۋروپا چەمپيوناتىنا شىعۋ ءۇشىن مىقتى قارسىلاستاردى ۇتۋ كەرەك. وسى رەتتە «جەڭىمپاز مەنتاليتەتىن» قالىپتاستىرۋ ءۇشىن قانداي جۇمىستار اتقارىلىپ جاتىر?» – دەپ سۇرادى ولجاس بايبوسىن قازاقستاننىڭ باس باپكەرىنەن.

ساۋال قازاقشا قويىلعان. ونى فەدەراتسيانىڭ ءباسپاسوز حاتشىسى اۋدارىپ بەرگەن ەدى. دەگەنمەن, قازاقشا قويىلعان سۇراق اۋدارما كەزىندە تولىق ماعىناسىن اشپاعان سەكىلدى. ونى ستانيسلاۆ چەرچەسوۆ تە دۇرىس تۇسىنبەي قالدى.

«ءسىز تىم الىسقا شاۋىپ كەتتىڭىز. ءبىز ءالى الەم چەمپيوناتى تۋرالى ويلامايمىز. «جەڭىمپاز رۋحىن» قاي بازاردا ساتاتىنىن ايتىڭىزشى. مەن سول جەرگە بارىپ, بىردەن ساتىپ الامىن. بۇل جاتتىعۋلار مەن ويىندار ارقىلى كەلەدى», – دەيدى باس باپكەر.

ەسكە سالايىق, نورۆەگيامەن بولعان ماتچ الدىندا چەرچەسوۆ جۋرناليستەرمەن كەزدەسىپ, قازاق تىلىندەگى ساۋالداردى اۋدارماشى كومەگىنسىز تۇسىنەتىنىن ايتقان بولاتىن. وسى ويىندا چەرچەسوۆ شاكىرتتەر ازۋلى نورۆەگيامەن تەڭ ويناپ, ۇلتتار ليگاسىنداعى العاشقى ۇپايىنا قول جەتكىزدى. كەلەسى ماتچ 9 قىركۇيەكتە سلوۆەنيا استاناسى ليۋبليانادا وتەدى.