«Qaı bazarda satylady»: Cherchesov «jeńimpaz rýhy» týraly saýaldy durys túsinbedi

Foto: Qazaqstan fýtbol federaııasy

Slovenııa men Norvegııa quramalary arasyndaǵy oıynnyń aldynda eki eldiń bapkerleri baspasóz májilisin ótkizdi. Qazaqstan quramasyn jattyqtyratyn Stanıslav Cherchesovke «Birinshi bol» rezıdenti Oljas Baıbosyn saýal qoıdy.

«Keshe Norvegııamen teń tústik. Osy nátıjege qýanyp jatyrmyz. Bul qanshalyqty durys? Álem nemese Eýropa chempıonatyna shyǵý úshin myqty qarsylastardy utý kerek. Osy rette «jeńimpaz mentalıtetin» qalyptastyrý úshin qandaı jumystar atqarylyp jatyr?» – dep surady Oljas Baıbosyn Qazaqstannyń bas bapkerinen.

Saýal qazaqsha qoıylǵan. Ony federaııanyń baspasóz hatshysy aýdaryp bergen edi. Degenmen, qazaqsha qoıylǵan suraq aýdarma kezinde tolyq maǵynasyn ashpaǵan sekildi. Ony Stanıslav Cherchesov te durys túsinbeı qaldy.

«Siz tym alysqa shaýyp kettińiz. Biz áli álem chempıonaty týraly oılamaımyz. «Jeńimpaz rýhyn» qaı bazarda satatynyn aıtyńyzshy. Men sol jerge baryp, birden satyp alamyn. Bul jattyǵýlar men oıyndar arqyly keledi», – deıdi bas bapker.

Eske salaıyq, Norvegııamen bolǵan match aldynda Cherchesov jýrnalıstermen kezdesip, qazaq tilindegi saýaldardy aýdarmashy kómeginsiz túsinetinin aıtqan bolatyn. Osy oıynda Cherchesov shákirtter azýly Norvegııamen teń oınap, Ulttar lıgasyndaǵy alǵashqy upaıyna qol jetkizdi. Kelesi match 9 qyrkúıekte Slovenııa astanasy Lıýblıanada ótedi.