Qaı dáýirge jatatyny belgisiz: Aqmolada adamnyń beınesi qashalǵan erekshe tas tabyldy

Foto: ashyq derekkóz

Tasqa qashalyp jasalǵan erekshe jádiger Aqmola oblysynan tabyldy. Dálirek aıtqanda Sandyqtaý aýdany tótenshe jaǵdaılar bóliminiń qyzmetkerleri «Orman» profılaktıkalyq is-sharasy kezinde tapty, dep habarlaıdy qandastar.kz.

Qutqarýshylar dereý tabylǵan zat týraly Aqmola oblysynyń Tótenshe jaǵdaılar departamenti men tarıhı-ólketaný murajaıyna habarlaǵan. Budan bólek bul artefaktige astanalyq ǵalymdardan bólek sheteldik ǵalymdardyń da qyzyǵýshylyq týdyrǵany belgili boldy.

Ázirge ejelgi músinshiniń jumysy qaı dáýirge jatatynyn ǵalymdar ashyp aıtqan joq. Túrli pikir aıtyp jatyr. Bireýler bul tasty qola dáýirine, endi bireýler ony keıingi túrki dáýirine jatqyzady. Keı ǵalymdardyń aıtýynsha, bul tastyń Sibirden tabylǵan oljalarmen uqsastyqtary bar. Bir nárse ǵana anyq: onyń tarıhı qundylyǵy zor.

Aqmola oblysynda tabylǵan bul kóne artefakt tarıhı qundy dúnıe dep baǵalanǵandyqtan memlekettik qorǵaýǵa alyndy.