قايرات بورانباەۆقا تيەسىلى مۇناي كومپانياسى مەملەكەتكە قايتارىلدى

فوتو: اشىق دەرەككوز

«Phystech II» اكتسيونەرلىك قوعامى 1 تامىزدان باستاپ قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتىنىڭ مەنشىگىنە ءوتتى. قازاقستاننىڭ مۇناي كەڭەسىنىڭ حابارلاۋىنشا, كومپانيانىڭ قۇنى 35,5 ميلليارد تەڭگەگە باعالانىپ وتىر, دەپ حابارلادى turkystan.kz Lada.kz-كە سىلتەمە جاساپ.

قازاقستان قور بيرجاسىنىڭ (KASE) دەرەكتەرى بويىنشا, وسى جىلدىڭ 1 تامىزىنان باستاپ «Phystech II» اق-نىڭ جالعىز اكتسيونەرى جانە سايكەسىنشە كومپانيانىڭ ورنالاستىرىلعان اكتسيالارىنىڭ جالپى سانىنان بەس جانە ودان دا كوپ پايىزىن قۇرايتىن اكتسيالارعا يەلىك ەتەتىن جالعىز تۇلعا – قازاقستان رەسپۋبليكاسى قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى بولىپ تابىلادى.

«Phystech II» اق-نىڭ 18 500 000 قاراپايىم اكتسياسى بار, ونىڭ 13 749 100-ءى قور بيرجاسىنا ورنالاستىرىلعان.

انىقتاما ءۇشىن:

كومپانيا ماڭعىستاۋ وبلىسىنداعى سولتۇستىك قاراجانباس كەن ورنىندا مۇناي وندىرەدى جانە ونىڭ قۇنى شامامەن 35,5 ميلليارد تەڭگەگە باعالانادى. بۇرىن كومپانيا قايرات بورانباەۆقا تيەسىلى بولعان, ول وتكەن جىلى «سولتۇستىك قاراجانباس» كەن ورنىن, «ازيا گاز چۋندجا» گاز تاراتۋ كومپانياسىن جانە «قازتۋربورەمونت سەرۆيس ورتالىعى» جشس-ءىن مەملەكەت مەنشىگىنە تاپسىرعان بولاتىن.