Foto:Stan.kz

Qaırat Satybaldynyń Dýbaıdaǵy qymbat kólikteri satyldy. Bul týraly qandastar.kz aqparat agenttigi Informbıýrobaǵdarlamasyna silteme jasap habarlaıdy.

Qaıtarylǵan aktıvterdi basqarý jónindegi kompanııa shamamen 31,5 mıllıon teńgege baǵalanǵan Aston Martin Vantage kóligin satty. Taǵy bir lıýks sanattaǵy kólik Rolls-Royce Cullinan kóligi 167,5 mıllıon teńgege baǵalandy.

Buǵan deıin kásipker memleketke Bentley, Lexus jáne Mercedes sııaqty 29 kólikti qaıtarǵan. Satybaldyǵa tıesili Almatydaǵy «Baısat» saýda ortalyǵy qazan aıynda aktıvterdi basqarýshy kompanııanyń balansyna ótken. Qaıtarylǵan aktıvterdiń jalpy somasy shamamen 733 mlrd teńgeni quraıdy. Túsken qarajat arnaıy memlekettik qorǵa aýdaryldy. Ol arqyly qarjy memlekettik qajettilikterge jumsalady.

Eske salsaq, buǵan deıin sybaılas jemqorlyqqa qarsy qyzmet Qaırat Satybaldyulynyń 733 mıllıard teńgege jýyq múlki Qazaqstanǵa qaıtarylǵanyn málimdedi. 2022 jyldan bastap qazirgi ýaqytqa deıin Qaırat Satybaldyuly jáne onymen baılanysty tulǵalardan memleketke zańsyz satyp alynǵan 732,8 mıllıard teńge nemese 1,6 mıllıard dollardan astam somaǵa múliktik aktıvter men aqshalaı qarajat qaıtaryldy. 2024 jyldyń 16 tamyz kúni О́skemen qalasynyń №2 soty sottalǵan Qaırat Satybaldynyń jazasynyń ótelmegen bóligin jazanyń neǵurlym jeńil túrine aýystyrý týraly ótinishhatyn qanaǵattandyryp bas bostandyǵynan aıyrý túrindegi jazanyń ótelmegen bóligin 3 jyl 3 aı 7 kún merzimge bas bostandyǵyn shekteýge aýystyrdy.