«Qaırattyń» bas bapkeri beıádep sóz aıtqany úshin jazalandy

Foto: fckairat.com

«Qaırat» fýtbol klýby áleýmettik jelide bas bapker Rafael Ýrazbahtınniń 30 mamyrda ótken «Aqtóbe» komandasymen oıynda beıádep sóz aıtqany úshin keshirim suraǵan vıdeoúndeýin jarııalady, dep jazdy qandastar.kz

Ýrazbahtın «Aqtóbemen» ótken match kezindegi oqıǵanyń qalaı bolǵanyn aıtty.

«Oıyn boıy «Aqtóbe» FK jankúıerleri trıbýnadan komandamyzdyń bapkerler shtaby men oıynshylaryna birneshe ret balaǵat sóz aıtyp, biz jaqqa bógde zat laqtyrdy. Jaǵdaı ýshyǵyp, shıelenisti sátte shamadan tys emoııaǵa berilip, beıádep sóz aıtyp qoıdym. Bul áreketim úshin shyn júrekten ókinemin. Sózimmen renjitip alǵan jandardan keshirim suraımyn», — dedi ol.

turkystan.kz habarlaǵandaı, polıııa bul oqıǵa úshin Rafael Ýrazbahtın ákimshilik jaýapkershilikke tartylyp, aıyppul salynǵanyn habarlady.

«Ol balaǵat sóz aıtyp, qoǵamdyq tártipti buzǵan. Azamat quqyqbuzýshylyq jasaǵany úshin elorda polıııa departamentine jetkizilip, ákimshilik jaýapkershilikke tartyldy», — dep habarlady Astana polıııa departamentiniń baspasóz qyzmeti.