«Qala qurdymǵa ketti»: Dosaev otstavkasyn talap etip mıtıng ótkizbek bolǵan belsendilerge ruqsat bermeı qoıdy

Foto: primeminister.kz

Qoǵam belsendisi Sanjar Boqaev pen zańger Murat Adam Almaty ákimi Erbolat Dosaevty otstavkaǵa jiberý úshin mıtıng uıymdastyrmaq bolǵan, biraq ákimdik ruqsat bermedi, dep jazdy qandastar.kz

Bul týraly Stan.kz aqparat agenttigi habarlaıdy.

Sanjar Boqaev pen Murat Adam Almaty ákimdigine «Almaty qalasynyń ákimi Erbolat Dosaevtyń otstavkaǵa ketýin talap etemiz» degen taqyrypta mıtıng ótkizý týraly habarlama tapsyrǵan.

Olardyń aıtýynsha, Dosaev basqaryp otyrǵan tusta qala qurdymǵa ketti. Jańa bordıýrlerdi qaıtadan jańasyna aýystyrý jalǵasýda. Al núkteli jáne tyǵyz qurylys burynǵydan da qarqyndy júrip jatyr. Onymen qosa, aǵashtardy kesý toqtar emes. “Avtobýstar zıraty» paıda bolyp, jemqorlyq deńgeıi ósti. Al jańa metro stanııalarynyń qurylysy isten shyǵý qaýpinde tur.

«Barlyq salada júıelik qateler, sybaılas jemqorlyq qaýpiniń joǵary deńgeıi jáne tıimsiz basqarý baıqalady. Bul — revızııalyq tekserýlerdiń nátıjelerimen rastalǵan máselelerdiń tolyq tizimi emes. Biz, almatylyqtar, qalamyzdyń joıylyp, tonalyp jatqanyn únsiz qarap otyra almaımyz. Sonymen qatar, BAQ pen qoǵamnyń nazaryn mynaǵan aýdarǵymyz keledi: «Almaty ákimi otstavkasy» taqyrybyndaǵy mıtıngini kelisý máselesin sol ákimniń ózi qaraıdy, bul – múddeler qaqtyǵysy», – dedi mıtıng uıymdastyrmaq bolǵan belsendiler.

Degenmen ákimdik qoǵam belsendilerine bul mıtıngti ótkizýge ruqsat bermedi. Bul týraly Murat Adam habarlady. Belsendiniń aıtýynsha, olar mıtıngti 2025 jyldyń 24 mamyry kúni saǵat 10:00-den 18:00-ge deıin Amangeldi Imanov atyndaǵy skverde ótkizýge ótinish bergen. Biraq ákimdik mıtıng ótkizýge tek saǵat 12:00-den 15:00 aralyǵynda ǵana tyıym salǵan.

Onyń sózinshe, zań boıynsha, eger suralǵan oryn bos bolmasa, jergilikti atqarýshy organ basqa nusqa usynýy tıis. Biraq Dosaevtyń aty atalǵan kez kelgen sharada, qaladaǵy barlyq oryndardyń «bos emes» bolyp shyǵatynyn atap ótti.

“Bul joly da ákimdik zań talaptaryn óreskel buzdy. Ákimdik qyzmetkerleri mıtıngti jyldam keri qaıtarýǵa asyǵyp, ákimshilik rásimdik-proestik kodeksti (ÁRPK) eskerýsiz qaldyrdy. Olar bizdiń ótinish boıynsha aldyn ala tyńdaý ótkizýdi múlde umytyp ketken. Bul ákimdiktiń qanshalyqty mazasyzdanyp otyrǵanyn kórsetedi. Qoldarynan kelse boldy, bastysy — mıtıngke ruqsat bermeý, — dedi Murat Adam.

Belsendiler endi sotqa júginbek. Olar ózderiniń quqyǵyn qorǵap, ákim Erbolat Dosaevtyń áreketin zańsyz dep tanýdy talap etetinderin aıtty.

Aıta keteıik, Erbolat Dosaev Almaty ákimi qyzmetin 2022 jyldyń qańtarynan beri atqaryp keledi. Osy ýaqyt ishinde qala basshysy birneshe ret synǵa ushyraǵan edi.

Eske salaıyq, buǵan deıin Almaty ákimi Dosaevtyń endi prezıdentke eki apta saıyn esep berip otyratynyhabarlanǵan edi.